दुबईमा अर्काे वर्षदेखि नियमित रुपमा एयर ट्याक्सी सञ्चालनमा आउने

अमेरिकाको जोबी एभिएशन नामक कम्पनीले अर्काे वर्षदेखि दुबईमा नियमित रुपमा कमर्सियल उड्ने ट्याक्सी सञ्चालनमा ल्याउने दावी गरेको छ । कम्पनीले यसका लागि दुबईको ४ स्थानमा यात्री उडान प्रस्थानका लागि भर्टिपोट्र्स निर्माण गर्ने भएको छ । कम्पनीले हालसम्म टिकटको मूल्यको बारेमा खुलासा गरेको छैन ।

कम्पनीका अनुसार फ्लाइङ ट्याक्सीबाट दुबई एयरपोर्ट देखि दुबईको कृत्रिम द्विप र पर्यटक आकर्षण केन्द्र पाम जुमेराहसम्म उडान भर्नका लागि १० मिनेटको समय लाग्ने छ । हाल यसको लागि जमिनबाट ४५ मिनेटको समय लाग्ने गरेको छ । कम्पनीले सन् २०२६ को सुरुवातदेखि एयर ट्याक्सी सेवा सुरु गर्नका लागि दुबईको सडक र परिवहन प्राधिकरणसँग सम्झौता गरेको छ ।

सो एयर ट्याक्सी भीटीओएल एयरक्राफ्ट हो । यसलाई जमिनमा गति बढाउनका सट्टा सिधै हावामा उडाउन सकिन्छ, यसका लागि कुनै रनवे स्पेसको आवश्यकता पर्दैन । ६ वटा इलेक्ट्रिक मोटर जडान गरिएको सो एयर ट्याक्सीमा यात्रा गर्दा यात्रीलाई एयरक्राफ्ट भन्दा पनि कुनै एसयूभीमा यात्रा गरेको अनुभव हुनेछ ।

जोबीले गरेको सम्झौता अनुसार ब्रिटिश डेलिभरी कम्पनी स्काईपोट्र्सले दुबईको एयरपोर्ट, पाम जुमेराह, दुबई मरिना र दुबई डाउनटाउनमा भर्टिपोर्टको निर्माण गर्नेछ । स्मार्टफोन एपबाट पनि यसको लागि टिकट बुक गर्न सकिनेछ ।

दुबईमा जोबीका साथै लन्डनस्थित स्टार्टअप बेलवेदर इन्डस्ट्री पूर्ण इलेक्ट्रिक भीटीओएल प्रोटाटाइपले पनि एयर ट्याक्सीको परीक्षण गरिसकेको छ । साथै जर्मन कम्पनीले पनि यसको परीक्षण गरिसकेको छ ।