जेके टायरले सार्वजनिक ग-यो तीन नयाँ अफ–द–रोड टायर

भारतको प्रतिष्ठित टायर निर्माता कम्पनी जेके टायरले ग्रेटर नोयडामा चलिरहेको बउमा कनएक्सपो २०२३ मा तीन नयाँ अफ–द–रोड टायर (ओटीआर) लन्च गरेको छ । कम्पनीले गरी तीन नयाँ मोडल लन्च गरेको हो ।

सो अवसरमा जेके टायरको नेपाालका लागि आधिकारिक वितरक डेल्टा डिष्ट्रिब्युटर्सका प्रबन्ध निर्देशक बिक्रम सिंघानियाको समेत उपस्थिति रहेको थियो ।

यी मध्ये पहिलो मोडलको प्रिमियम हेभी ड्युटी प्रोडक्ट ह्विल लोडर र आर्टिक्युलेटेड डम्परका लागि उपयोग गर्न सकिन्छ भने अन्य दुई मोडल स्किड स्टियर लोडरका लागि उपयोग गर्न सकिन्छ ।

सो अवसरमा जेके टायर एन्ड इन्डष्ट्रिजका अनुज कथुरियाले जेके टायरले पहिले देखि नै सबै भुभागका लागि उपयुक्त टायर उत्पादन गरिरहेको र यी नयाँ उत्पादन समेत क्याटगोरी अनुसार ‘ब्रेकथ्रु प्रोडक्ट’ भएकाले ओटीआर टायर बजारमा आफ्नो उपस्थितिलाई थप मजबुत बनाउने बताए ।

जेके टायरले भारतकै सबैभन्दा ठूलो ठूलो ४०.००–५७ साइजको करिव ३ हजार ४ सय किलोग्राम तौल र १२ फिट व्यास भएको टायर समेत उत्पादन गर्दै आएको छ, जुन ठूलो रिजिड डम्प ट्रकका लागि उपयोग गरिन्छ । उक्त अफ द रोड टायर ‘भीईएम ०४५’ सन् २०१९ को लिम्का बुक अफ रेकर्ड्समा समेत दर्ता भएको थियो ।

जेके टायरद्वारा उत्पादित विभिन्न मोडलका टायर ब्याकहो लोडर, स्वाइल कम्प्याक्टर, पिक एन्ड क्यारी क्रेन, फोर्कलिफ्ट, टिपर ट्रक, आरटीजी क्रेन, ह्विल लोडर, मोटर ग्रेडर, मोबाइल कंक्रिट मिक्सर, स्किड स्टियर लोडर र रिजिड डम्प ट्रक जस्ता हेभी सवारी साधनमा प्रयोग गर्न सकिन्छ ।

सो एक्सपो जनवरी ३१ देखि प्रारम्भ भएको छ र आगामी फेब्रुअरी ३ सम्म चल्ने छ ।