१८५ थान मोटरसाइकल लिलाम गर्दै जनकपुर भन्सार, मूल्य १२ हजार देखि माथि

जनकपुर भन्सार कार्यालयले १८५ थान मोटरसाइकल लिलामीमार्फत बिक्री गर्ने भएको छ । विभिन्न समयमा भन्सार छली, चोरी पैठारी गरी ल्याइएका १८५ थान मोटरसाइकल लिलामी गर्न लागेको भन्सार कार्यालयको भनाइ छ ।

एक सूचना प्रकाशित गर्दै कार्यालयले हाल प्रयोग गर्न सकिने खालका ६१ वटा र पुनः प्रयोग गर्न नमिल्ने (स्क्र्याप गर्नुपर्ने) १२४ थान गरी कुल १८५ थान मोटरसाइकल लिलामीमा ल्याएको हो ।

इच्छुक खरिदकर्ताले २१ दिन भित्र आफूले लिन चाहेको सवारीसाधन र मूल्य तोकी गोप्य शिलबन्दीमार्फत आवेदन दिनुपर्नेछ ।

खरिदकर्ताले आफूले कबोल गरेको मूल्यको १० प्रतिशत रकम राष्ट्रिय वाणिज्य बैंक, जनकपुरमा रहेको कोष तथा लेखा नियन्त्रक कार्यालयको खातामा जम्मा गर्नुपर्नेछ ।

भन्सारले प्रयोग गर्न मिल्ने मोटरसाइकलको मूल्य मोडल अनुसार न्यूनतम साढे १२ हजारदेखि ९० हजार रुपैयाँसम्म तोकेको छ । स्क्र्याप गर्नुपर्ने १२४ थानको एकमुष्ट ७ लाख ५० हजार रुपैयाँ तोकेको छ ।

यस सम्बन्धी भन्सार कार्यालयले प्रकाशित गरेको सूचना यस प्रकार छ :