चर्चामा नेपाल भित्रिएको पहिलो अफरोड ईभी जेको जे६

काठमाडौ – नेपाली बजारमा भित्रिएको पहिलो अफरोड ईभी जेको जे६ ले चर्चा पाउन थालेको छ । नेपालका लागि आधिकारिक वितरक एसपीजी अटोमोबाइल्सले प्रदर्शन र परीक्षणका लागि ल्याएको सो एसयूभीको लुक्स र ब्रान्ड दुवै नयाँ भएकाले यसले विशेष चर्चा पाएको हो ।

यति मात्र होइन, नेपाली बजारमा हाल सम्म अफरोड ईभी नभएको समयमा जेको जे६ ले अफरोड ईभीको रुपमा समेत चर्चा पाएको छ । बक्सी बडी डिजाइन, प्रिमियम क्याविन फिचर र प्रसस्त स्टोरेज हुनुका साथै २०० एमएमको उच्च ग्राउन्ड क्लियरेन्सले यसलाई थप चर्चित बनाएको छ ।

अफरोड र अनरोड दुबै सडकमा सहजताका साथ ड्राइभ गर्न सकिने जे६ मा जेकोले ६९।८ किलोवाट आवरको सीएटीएल ब्याट्री प्याक तथा १३५ किलोवाट क्षमताको मोटर जडान गरेको छ । उक्त ब्याट्रीलाई एकपटक फुल चार्ज गर्दा ५०० किलोमिटर माथि रेन्ज दिने कम्पनी दावी छ ।

अत्याधुनिक र सुविधासम्पन्न फिचर्सले सुसज्जित जे६ मा आकर्षक इन्टेरियर, ठूलो टचस्क्रिन, पर्याप्त स्पेस, उच्च ग्राउन्ड क्लिरियन्स र टेस्लामा जस्तै डिजेआईको क्यामेरा जडित एडास फिचर दिइएको छ ।

जेको जे६ को मूल्य ६९ लाख ९९ हजार रुपैयाँ तोकिएको छ ।