डिएफएसके भ्यालु फर मनी प्रडक्टका रुपमा परिचित छ

डिएफएसके ब्रान्ड नेपाल भित्रिएको ३ बर्ष पुरा भएको छ । यो अबधीमा नेपाली एसयुभी पारखीमाझ यसले कस्तो प्रभाव पार्न सफल भएको छ ?
डिएफएसकेलाई हामीले नेपाली बजारमा सन् २०१८ मा भित्राएपनि औपचारिक लन्च भने सन् २०१९ मा गरिएको हो । लन्च गरे लगत्तै लकडाउन सुरु भएको कारण बजार प्रबद्र्धनका क्षेत्रमा सोचेअनुरुप काम गर्न सकिरहेका थिएनौ । यसका बाबजुत पनि डिएफएसकेले यसअघिका चीनीयाँ ब्रान्डले बनाएको नराम्रो रेकर्डलाई चिर्न भने सफल भएको छ । हामीले डिएफएसकेलाई भित्राएपछि अहिले समग्र चीनीयाँ ब्रान्डको बजार सकरात्मक बनिरहेको छ । बिक्रीकै कुरा गर्ने हो भने पनि यो अबधीमा हामीले ७५ बढी एसयुभी बिक्रि गरेका छौ । सर्भिस र स्ेपयर पार्टसको उपलब्धतामा ग्राहकलाई ढुक्क बन्न सकिने अबस्था सिर्जना भएको छ । यसअघि चीनीयाँ ब्रान्डका बारेमा ग्राहले बनाउने धारणालाई परिबर्तन गरी यसको भबिष्य सुन्दर रहेको डिएफएसके ब्रान्डमा ग्राहकले बढाएको बिश्वासबाट प्रमाणित भएको छ । ग्राहकले बिश्वास गरेकै कारण हामीले ग्लोरी ५८० पछि ग्लोरी ५६० र आई अटो समेत लन्च गर्न सफल भयौै । क्रसओभर र इलेक्ट्रिक एसयुभीलाई भने अर्को बर्ष लन्च गर्ने योजना बनाएका छौ ।

डिएफएसके कस्तो ब्रान्डको सवारी साधन हो, बिश्वबजारमा यो ब्रान्डको उपस्थिती कस्तो रहँदै आएको छ ?
यो चीनीयाँ सरकारको स्वमित्वमा सञ्चालित डोङफेङ्ग कम्पनीको साहयक ब्रान्ड हो । जुन बिश्वको ५०० फच्र्युनमा ६८ औं स्थानमा सुचिकृत छ । यहि कम्पनीले चीनमा पुजो, होन्डा, किया, निशान, रेनो र सिट्रोन लगायत ब्रान्डका कार उत्पादन समेत गर्ने गरेको छ । यसको औपचारिक उत्पादनको शुरुवात भने सन् २००३ बाट भएको हो । हाल लेफ्ट ह्यान्ड ड्राइभका कार चीनस्थित प्लान्टमा उत्पादन गरिन्छ भने भने राइट ह्यान्ड ड्राइभको इन्डोनेशियाबाट भैरहेको छ । त्यसैले हामीले पनि इन्डोनेशियाबाटै आयत गरिरहेका छौ । डिएफएसके युरोप र अमेरिकामा समेत निर्यात हुने एउटा गुणस्तरिय ब्रान्ड हो । आजको दिनमा यो ब्रान्डले बिश्वका ८० भन्दा बढी राष्ट्रमा आफ्नो उपस्थिती जनाइसकेको छ ।

बिश्व बजारमा यो ब्रान्डलाई चिनाउने खास बिशेषता के हो ? नेपाली अटो पारखीमाझ यसको लोकप्रियता कस्तो छ ?
यो ब्रान्डका सवारीसाधनमा अत्याधुनिक प्रबिधी, आकर्षक डिजाइन र उत्कृष्ट सेफ्टी फिचर्स उपलब्ध गराइएको छ । यहि सेग्मेन्टका अन्य ब्रान्डको तुलनामा बढी फिचर्स र सुबिधा उपलब्ध गराइएपनि यसको मूल्य भने धेरनै नै कम छ । जसका कारण पनि यसलाई ‘भ्यालु फर मनी प्रोडक्ट’का रुपमा लिने गरिन्छ । यसकोे ग्लोरी एसयुभीमा ५ स्टार सेफ्टी फिचर्सको साथै चारवटै चक्कामा डिस्क ब्रेक, इबिडी, ब्रेक एसिस्ट, इलेक्ट्रोनिक स्टाबिलिटी प्रोग्राम जस्ता अत्याुधनिक सेफ्टी फिचर्स दिएको छ । ग्लोरी ५८० लन्च गर्दा यसको शुरुवाती मूल्य ६२ लाख रुपैयाँ थियो । जुन मुल्यमा हामीले यो एसयुभी बिक्री थालेका थियौं त्यो समय बजारमा उपलब्ध यहि सेग्मेन्टको अन्य एसयुभीको मूल्य १ करोडमाथी तोकिएको थियो । अन्तराष्ट्रिय बजारमा ग्लोरी ५८० को तुलना होन्डा सिआरभीसंग हुने भएपनि मूल्य भने झन्डै आधाले कम छ । त्यसैले यसलाई भ्यालु फर मनी प्रोडक्ट भनिएको हो ।

डिएफएसकेलाई बजारमा स्थापित गराउन के कस्ता चुनौतीहरुको सामना गर्नुपर्यो ?
शुरुमा नयाँ ब्रान्ड ल्याउने बित्तिकै त्यसको बजार आफैमा चूनौतीपूर्ण हुन्छ नै । त्यसमाथी हामीले चीनीयाँ ब्रान्ड भित्राएका कारण बढी नै चुनौतीहरुको सामान गर्नुप¥यो । यसको एउटै कारण थियो बिगतमा चीनीयाँ ब्रान्डले बनाएको नराम्रो रेकर्ड । डिएफएसके ब्रान्डका बारेमा ग्राहकहरु ढुक्क भएपनि उनीहरुलाई आफ्टर सेल्स सर्भिसमा भने दुबिधा नै रहेको अबस्था थियो । जुन बिषयमा बुझाउन हामीले निकै नै मेहनत गर्नुपर्यो पनि । अन्तत उहाँहरुलाई बुझाएर बिश्वस्त पार्नसकेपछि मात्र कारोबार अघि बढेको हो । अहिले भने डिएफएसके एसयुभी प्रयोग गर्ने पुराना ग्राहकको सिफरिसमा नयाँ ग्राहकहरु समेत आउन थालेका छन् । जुन हाम्रो लागी एकदमै खुसीको क्षण बनिरहेको छ ।

नेपालमा चीनीयाँ ब्रान्डको भबिष्य कस्तो देख्नु भएको छ ? बजारमा आइरहेका नयाँ ब्रान्डका बारेमा के भन्नुहुन्छ ?
नेपालमा चीनीयाँ ब्रान्डको भबिष्य निकै नै राम्रो छ । चीनीयाँ अटोमोबाइलले बिश्व बजारमै गती लिइरहेको अबस्थामा यसको नेपाली बजार खराब हुने भन्ने नै हुँदैन । बिगतमा भित्रिएका चीनीया ब्रान्डमा समेत गुणस्तर अब्बल नै थियो । त्यतिबेला बिक्री भएका १२÷१५ बर्ष पुराना गाडीहरु समेत अहिले सडकमा गुडिरहेको देख्न सकिन्छ । गुणस्तर राम्रो हुँदा हुँदैपनि बिक्री पछिको सेवा ब्यवस्थित गर्न नसकेका कारण बजारबाट बिस्थापित हुनुपरेको थियो । यस्तो अबस्थाको बाबजुत पनि हामीले जोखिम नै मोलेर डिएफएसकेलाई भित्राएका थियौ । अहिले यो ब्रान्डले ग्राहकको बिश्वास जित्न सफल भएको छ । हामीपछि भित्रिएका ब्रान्डहरु समेत उत्कृष्ट ब्रान्ड भएका कारण उनीहरुले पनि राम्रो गर्दै जानेछन र भोलीका दिनमा चीनीयाँ ब्रान्डले झनै राम्रो प्रभाव पार्ने बिश्वास गर्न सकिन्छ । बजारमा धेरै ब्रान्ड आएपछि प्रतिस्पर्धा समेत बढ्ने हुँदा ग्राहकले पनि छिटो छरितो र राम्रो सेवा पाउन थाल्नेछन् ।