यस्तो आकर्षक कलर र स्टाइलमा आउँदै छ यामाहा आर१५एम

यामाहाले हाल बजारमा उपलब्ध आर१५ को नयाँ भर्सन कस्तो ल्याउला भन्ने समाचार दैनिकजसो आइरहे । अब भने यसको नाम आर१५एम हुने र यो आर७ बाट धेरै नै प्रभावित भएको पक्का भएको छ । त्यसैगरी यसको लुक पनि निकै नै रोचक छ ।

केही दिन भित्रै यो बाइक भारतीय बजारमा सार्वजनिक हुने अनुमान गरिएको छ ।

यसमा सबैभन्दा महत्वपूर्ण परिवर्तन हेडलाइटमा गरिएको छ । यामाहा आर१५एममा ट्विन आई हेडलाइटको सट्टा सिंगल पोड प्रोजेक्टर हेडलाइट युनिट लगाइएको छ । यसले एमटी–१५ र एफजेडएक्स–२५ को याद दिलाउछ ।

त्यसैगरी यसको ध्यान आकर्षित गर्ने अर्को पार्ट यूएसडी फोर्क्स हो, जसमा गोल्ड कलर पेन्ट गरिएको छ । यो सेटअपले बाइकलाई एक ओभरल स्पोर्टीयर एक्सपेरियन्स दिनुका साथै बाइकको ह्यान्डलिङमा सुधार समेत ल्याएको छ ।

यसको साइड प्रोफाइल अधिकांश प्यानल आर१५ बाटै लिइएको छ । यद्यपि यसको एक्जस्ट अलि कठोर छ भने अलि प्रिमियम मेटालिक फिनिसका साथ प्रयोग गरिएको छ ।

अन्य परिवर्तनको वारेमा धेरै सार्वजनिक भएको छैन । यद्यपि यसमा ब्लुटुथ कनेक्टिभिटी प्रयोग गर्न सकिने इन्स्ट्रयुमेन्ट क्लस्टर उपलब्ध हुने अनुमान गरिएको छ ।

यो बाइकमा पहिलेकै आर१५ मा भएको १५५ सीसी, सिंगल सिलिन्डर, लिक्विड कुल्ड इन्जिन प्रयोग हुनेछ, जसले १८.५ बीएचपी पावर र १४.१ एनएम टर्क जेनेरेट गर्छ । यसमा ६ स्पिड गियरबक्स हुनेछ भने स्लिपर एन्ड असिस्ट क्लच स्ट्यान्डर्डको रुपमा हुनेछ ।