इन्डियन मोटरसाइकलले ल्यायो १७६८ सिसीको परस्युट, इन्फोटेन्मेट सिस्टम समेत उपलब्ध

इन्डियन मोटरसाइकलले उच्च सिसी क्षमताको नयाँ बाइक परस्युट सार्बजनिक गरेको छ । १७६८ सिसी क्षमताको इन्जिन जडित यो बइकमा भि ट्विन इन्जिन र ६ स्पिड गियर बक्स जडान गरिएको छ । यो नयाँ बाइकलाई कम्पनीले यसअघिको इन्डियन च्यालेन्जरमा आधारित रहेर निर्माण गरेको हो ।

यो नयाँ बाइकमा ठूलो चेसिस, एड्जस्टेबवल एयर भेन्ट र पावर एड्जस्टेबवल विन्डशिल्ड दिइएको छ । जसको दुबै साइड र पिलियन ब्याकरेस्टमा ठूलो आकारको स्टोरेज बक्स जडान गरिएको छ । यसमा दिइएको ७ इन्चको इन्फोटेन्मेन्ट सिस्टममा नेभिगेसन, वेदर ट्र्याकिङ, एप्पल कार प्ले र एन्ड्रोइड अटो जस्ता फिचर्स उपलब्ध रहेको छ ।

३९८ किलो वजन भएको यो बाइकको ह्विबेश १६६९ एमएम, सिट हाइट ६७२ एमएम र ग्राउन्ड क्लिरियन्स १३७ एमएम रहेको छ । लिमिटेड र डार्क हर्स गरी कुल दुई ट्रिममा उपलब्ध यसको प्रिमियम प्याकेज समेत उपलब्ध हुने जनाइएको छ ।

यसको लिमिटेड भेरियन्टको मूल्य २२ लाख भारु र डार्क हर्सको २३ लाख भारु तोकिएको छ । २ लाख २० हजार भारु बढी मूल्य निर्धारण गरिएको यसको प्रिमियम प्याकेज अन्तर्गत बाइकको तल्लो भागमा अतिरिक्त लाइट, हिटेड टुरिङ सिट र इलेक्ट्रोनिक्कली एड्जस्टेबल रियर सस्पेन्सन थप गरिएको छ ।