हुन्डाई भेन्युको नयाँ टर्बाे एक्जिक्युटिभ भेरिएन्ट भारतमा लन्च

हुन्डाई मोटरले आफ्नो सस्तो एसयूभी भेन्यु एक्जिक्युटिभ टर्बाे भेरिएन्ट भारतीय बजारमा लन्च गरेको छ । कम्पनीले नयाँ भेन्यू एक्जिक्युटिभ भेरिएन्टमा राम्रो परफर्मेन्स पावर र नयाँ फिचरको साथ प्रस्तुत गरेको छ । कम्पनीले यसमा इलेक्ट्रिक सनरुफका साथै म्याप ल्याम्पको सुविधा पनि थपेको छ । कम्पनीले भेन्युको एस (ओ) टर्बो भेरिएन्टमा पनि अपडेट गरेको छ ।

भेन्यूको एक्जिक्युटिभ भेरिएन्टमा १ लिटर टर्बो जीडीआई पेट्रोल इन्जिन दिइएको छ, जसले १२० पीएसको पावर र १७२ एनएमको टर्क जेनेरेट गर्छ । यसमा ट्रान्समिसनका लागि ६ स्पिड म्यानुअल गियरबक्सको विकल्प रहेको छ । साथै यसको माइलेज सुधार गर्न आईएसजी फिचर पनि दिइएको छ ।

नयाँ एक्जिक्युटिभ भेरिएन्टमा ड्युअल टोन स्टाइलको १६ इन्चको अलोय ह्विल समावेश छ । साथै यसमा डार्क क्रोम फ्रन्ट रेडिएटर ग्रिल, रूफ रेल, शार्क फिन एन्टेना र एक्सटेरियरमा एक्जिक्युटिभको ब्याजिङ दिइएको छ ।

यसको इन्टेरियरमा फ्रन्ट सेन्टर आर्मरेस्ट, २ स्टेप रियर रिक्लिनिङ सिट, ६०ः४० स्प्लिट सिट, एड्जस्टेबल हेडरेस्ट, ८ इन्चको टचस्क्रिन इन्फोटेनमेन्ट सिस्टम, वायरलेस एन्ड्रोइड अटो र एप्पल कार प्ले, डिजिटल क्लस्टर, टीएफटी, एमआईडी, स्टेयरिङ माउन्टेड कन्ट्रोल, क्रुज कन्ट्रोल, रियर एसी भेन्ट्स, रियर वाइपर र वाशर जस्ता फिचर प्रदान गरिएको छ ।

एक्जिक्युटिभमा सेफ्टीका लागि कम्पनीले ६ वटा एयरब्याग, सबै सिटमा सिट बेल्ट रिमाइन्डर, ईएससी, भीएसएम, एचएसी, डे–नाइट आईआरभीएम, अटोमेटिक हेडल्याम्प र हाइलाइनमा टीपीएमएस जस्ता फिचर समावेश गरिएको छ ।

कम्पनीले भेन्युको एक्जिक्युटिभ भेरिएन्टको मूल्य ९ लाख ९९ हजार ९९० भारु राखेको छ । म्यानुअल भेरिएन्टको १० लाख ७५ हजार र ७डीसीटी भेरिएन्टको मूल्य ११ लाख ८५ हजार भारु राखिएको छ ।