नेक्स्ट जेनेरेशन भेन्यूमा क्रेटा एनलाइनको जस्तै फ्रन्ट फेसिया हुने

हुन्डाईले नेक्स्ट जेनेरेशन भेन्यूलाई फेरि एकपटक देखाएको छ । यसअघि सडक परिक्षण हुँदै गर्दा केही भाग मात्र देखाइएको एसयुभीको यसपटक भने फ्रन्ट फेसिया पूर्णरुपमा देखाइएको हो । यसको फ्रन्ट फेसिया हुन्डाईको लोकप्रिय एसयुभी क्रेटा एनलाईनबाट प्रेरित भएको देख्न सकिन्छ ।

पुनः डिजाइन गरिएको फ्रन्ट फेसियामा एक अर्कामाथि स्ट्याक गरिएको आयताकार एलईडीहरू सहितको स्प्लिट हेडल्याम्प सेटअप राखिएको छ । एसयुभीमा टर्न इन्डिकेटरहरू राखिएको छ भने मुख्य हेडल्याम्प बम्परमा राखिएको छ । क्लस्टर वरिपरी दिइएको सी आकारको एलईडी डिआरएलले यसको लुक्समा निखार दिएको छ ।

नयाँ भेन्यूको अगाडिको बम्परलाई समेत रि डिजाइन गरिएको छ । एसयुभीमा अब सिल्भर फक्स स्किड प्लेट पाउन सकिनेछ भने एडास सुइटको लागि सेन्सरलाई मोड्युल नम्बर प्लेटको ठीक तल केन्द्रमा माउन्ट गरिएको छ । पछाडिको भागमा पातलो एलइडी टेललाइटहरू हुने अपेक्षा गरिएको छ ।

नयाँ भेन्यूमा हालको मोडेल जस्तै इन्जिनहरू उपलब्ध हुन सक्ने अनुमान गरिएको छ । भेन्यू हाल १.० लिटर टर्बो–पेट्रोल, १.२ लिटर प्राकृतिक रूपमा एस्पिरेटेड पेट्रोल र १.५ लिटर डिजेल इन्जिन अप्सनमा उपलब्ध रहँदै आएको छ ।