हुन्डाई भेन्यू र किया सोनेटलाई टक्कर दिन सिट्रोन सी३ सार्बजनिक, छिट्टै औपचारिक लन्च हुने

फ्रेन्च अटो निर्माता सिट्रोनले आज ग्लोबल प्रिमियर मार्फत नयाँ कम्प्याक्ट एसयूभी सी३ सार्बजनिक गरेको छ । ल्याटिन अमेरिका र भारत लगायत आसपासको बजारलाई लक्षित गरी उत्पादन गरिएको यो एसयुभीलाई छिट्टै भारतीय बजारमा औपचारिक लन्च गरिने बताइएको छ । यसको सिधा टक्कर हाल बजारमा उपलब्ध हुन्डाई भेन्यू, किया सोनेट, सुजुकी ब्रेजा, टाटा नेक्सन, होन्डा डब्लुआरभी, निशान म्याग्नाइट र रेनो काइगर लगायतसंग हुनेछ ।

एकबर्षअघि भारतीय बजारमा सी५ एयरक्रस लान्च गरेर चर्चामा आएको सिट्रोनले भारत लगायत यस आसपारका क्षेत्रमा कम मूल्यका कम्प्याक्ट एसयुभीको माग बढ्न थालेपछि सी३ लाई बजारमा उतार्ने निर्णय लिएको थियोे । यो एसयुभीको फ्रन्ट ग्रिल यसअघिको सी५ मा जस्तै फराकिलो देखिन्छ । जहाँ डबल लेयर हेडल्याम्प क्लस्टलाई आकर्षक तवरबाट समायोजन गरिएको छ । तस्बिरमा देखाइएका अनुसार यसको एक्सटेरियर डुअल टोन कलरमा आधारित छ ।

त्यसैगरी स्पोर्टी देखिने एलोई ह्विल, सी सेप एलइडी टेल ल्याम्प, टु टोन बम्पर, फ्रन्ट एन्ड रियर स्किड प्लेट र टेलगेटमा बिचमा दिइएको ठूलो आकारको सिट्रोन लोगोले यसलाई आकर्षक र स्पोर्टी बनाएको छ । यो एसयुभीमा १.२ लिटर क्षमताको टर्बो चार्जड् पेट्रोल इन्जिन जडान गरिएको छ । ५ स्पिड म्यानुअल ट्रान्समिसनको साथै डुअल क्लच अटो अप्सनमा समेत यो एसयुभी उपलब्ध हुने बताइएको छ । मूल्य नखुलाइएपनि यसलाई प्रतिस्पधी ब्रान्डको यहि सेग्मेन्टका अन्य एसयुभीकै हाराहारीमा उतारिने जनाइएको छ ।

भारतीय बजारमा लन्च भएलगत्तै यो एसयुभी नेपाल भित्रिने सम्भावना उच्च छ । नेपाली बजारमा सांग्रिला मोटर्सले यसको आधिकारिक बितरकका रुपमा कारोबार गर्दै आइरहेको छ । यसअघि ड्याट्सन गाडीको शोरुम रहेको स्थानमा कम्पनीले सिट्रोनको सुबिधासम्पन्न शोरुम तयार गरिरहेको छ ।