तमिलनाडुलाई ईभी हब बनाउँदै हुन्डाई, २६ हजार करोड लगानी गर्ने

हुन्डाई मोटर इन्डियाले तमिलनाडुलाई आफ्नो प्रमुख ईभी हब बनाउने योजना बनाएको छ ।

तमिलनाडुस्थित प्लान्टमा हुन्डाईले ईभी पावरट्रेनका लागि आफ्नो पहिलो ब्याट्री सब एसेम्बली प्लान्ट स्थापना गरेको छ । साथै, पावर इलेक्ट्रोनिक्स सहित प्रमुख कम्पोनेन्टहरूलाई सक्रिय रूपमा स्थानीयकरण समेत गरिरहेको छ ।

आगामी ५ वर्ष भित्र आईसीई र ईभी दुबै मोडलमा हालको ८२ प्रतिशत स्थानियकरणलाई बढाएर ९० प्रतिशत पुर्याउने लक्ष्य राखेको कम्पनीले थप २ हजार रोजगार समेत सिर्जना गर्ने बताएको छ ।

सो प्लान्टलाई आधुनिकिकरण गरी उत्पादन क्षमता विस्तार गर्न हुन्डाईले यसअघि नै २६ हजार करोड लगानी गर्ने बताएको थियो । उक्त रकम सन् २०३२ सम्ममा लगानी हुने र यसले तमलिनाडुलाई हुन्डाईको ईभी हब बनाउन मद्धत गर्ने जनाइएको छ ।