पाकिस्तान हुन्डाइले गरेको ट्विटको भारतमा बिरोध, खासमा भएको थियो के ?

दक्षिण एसियाका दुई छिमेकी राष्ट्र भारत र पाकिस्तान राष्ट्रबादको बिषयमा एकदमै संबेदनशिल रहने गर्छन् । जसका कारण आफ्नो राष्ट्रको बिषयलाई लिएर गरिने टिकाटिप्णीका बिषयमा यी देशका नागरिकहरु तत्कालै बिरोध जनाइहाल्छन् । सोही क्रममा पछिल्लो समय हुन्डाई पाकिस्तानले कस्मिर सोलिडारिटी डेको अबसरमा ट्विट गरेको एक सन्देश अहिले बिबादमा परेको छ । जसका बिरुद्धमा अहिले भारतमा सोसल मिडिया प्रयोगकर्ताहरुले बिरोध जनाइरहेका छन् भने हुन्डाई इन्डियाले यस बिषयमा स्पष्टिकरण दिँदै माफी नै माग्नु परेको छ ।

उक्त बिषयमा स्पष्टिकरण दिँदै हुन्डाई इण्डियाको ट्विटरमा लेखिएको छ, ‘ हुन्डाई मोटर्स बिगत २५ बर्षभन्दा बढी सयमदेखी भारतको राष्ट्रबादको बिषयमा प्रतिबद्ध रहँदै आएको छ । सोसल मिडियामा भएको अबांछित पोष्टले भारतप्रति हामीले जनाउँदै आएको प्रतिबद्धतामा ठेस पुर्याएको हामीले पाएका छौ । भारत हाम्रा लागी दोस्रो घर हो र यस्ता संबेदनहिन पोष्टप्रति सून्य सहिष्णुताको निती रहेको हुँदा उक्त कदमको निंदा गर्दछौ ।’

खासमा भएको थियो के ?
हिँजो आइतबार पाकिस्तानमा हुन्डाइको ट्विटर ह्यान्डलबाट पाकिस्तानमा माइने गरिएको कस्मिर सोलारिडीटी डेको अबसर पारी एक सन्देश प्रशरण गरिएको थियो । जहाँ लेखिएको थियो, ‘आउनुहोस हामी कश्मिरी भाइहरुको बलिदानको याद गरौं र स्वतन्त्रताको लडाएमा उनीहरुको समर्थनमा खडा हौं ।’ उक्त ट्विटको साथमा एउटा काँडेतारले जोडिएको कस्मिर लेखिएको शब्द र डुंगा समेत पोष्ट गरिएको थियो ।

यसरी बिरोध जनाउनेहरुले भारतमा पाकिस्तानमा भन्दा धेरै हुन्डाई गाडी बिक्री हुने र भारतकै दोस्रो ठूलो अटो उत्पादक रहेको भन्दै यस बिषयमा हुन्डाई मोटर्सले सार्बजनिक रुपमै माफी माग्नुपर्ने भन्दै बिरोध जनाएका हुन् । यसरी बिरोध जनाउनेमा सर्बसाधरण सहित सेनाबाट रिटायर भएका सैनिक लगायत अन्य उच्च सैनिक अधिकृतहरु समेत सामेल छन् ।