ईभीको हाइभोल्टेज ब्याट्री चेकअप क्याम्प सञ्चालन गर्दै हुन्डाई नेपाल

काठमाडौं – नेपालका लागि हुन्डाई गाडीको आधिकारिक वितरक लक्ष्मी इन्टरकन्टिनेन्टल प्रालिले आफ्नो ‘बी(भी)द चेञ्ज’ अभियान अन्तर्गत ५ दिने हुन्डाई ईभी हाई भोल्टेज ब्याट्री चेकअप क्याम्पको घोषणा गरेको छ । सो क्याम्प मंसिर २६ देखि प्रारम्भ भएको छ र पुस १ गतेसम्म चल्ने छ ।

हुन्डाईका विद्युतीय सवारी ग्राहकहरूका लागि आयोजना गरिएको यो अभियानले कोना र आयोनिक लाइनअपका ३०० भन्दा बढी ग्राहकहरूलाई फाइदा पुग्ने विश्वास कम्पनीले लिएको बताएको छ ।

सो कार्यक्रममार्फत प्रशिक्षित प्राविधिकहरू र अत्याधुनिक उपकरणहरूको सहयोगले सवारी धनीहरूलाई आफ्नो सवारीको प्राविधिक अवस्थाहरू र ब्याट्रीको अवस्थाबारे जान्न मद्दत गर्ने उद्देश्य राखिएको छ ।

त्यस्तै कार्यक्रर्यममा कम्पनीले ब्याट्रीको आयु बढाउन र सवारीको पूर्वजाँच गर्न ग्राहकहरुलाई विभिन्न सुझावहरू प्रदान पनि गर्नेछ ।

यी र यस्ता क्रियाकलापले हुन्डाईको विद्युतीय सवारीप्रतिको सफ्टवेयर, प्राविधिक र हार्डवेयरको पक्षबाट पनि प्रतिबद्ध रहेको देखाउने कम्पनीको विश्वास रहेको जनाएको छ ।

थापाथलीस्थित हुन्डाईको ईभी शोरुम अगाडि सो कार्यक्रम साताव्यापी रुपमा चल्नेछ ।