दशैंमा घर जानेका लागी हुन्डाईको १० स्थानमा निशुल्क चेक प्वाइन्ट

काठमाडौं– के तपाँई दशैंमा हुन्डाई गाडी लिएर घर जाँदै हुनुहुन्छ ? चाडबाडको समयमा प्राय सर्भिस सेन्टर बन्द हुने कारण गाडीमा खराबी आउँदा के गर्ने भनेर चिन्तामा पो हुनुहुन्छ कि ? यदि त्यसो हो भने अव चिन्ता गरिरहुन पर्दैन ।

हुन्डाई गाडीको नेपालका लागि आधिकारिक वितरक लक्ष्मी इन्टरकन्टिनेन्टल प्रालिले आफ्ना ग्राहकलाई झन्झटरहित यात्राको सुनिश्चतता दिलाउन ‘हुन्डाई हाइवे एसुरेन्स चेक प्वाइन्ट’ संचालन गर्ने भएको छ । कात्तिक २ देखी ५ गतेसम्म संचालन हुने यी प्वाइन्ट देशका १० स्थानमा रहने कम्पनीले जनाएको छ । यी प्वाइन्टमा ग्राहकले आफ्नो हुन्डाई गाडीको २६ प्वाइन्ट निशुल्क चेकजाँच गराउन सक्नेछन् भने लुब्रिकेन्ट्स र कुल्यान्ट टपअप गर्दा शुल्क तिर्नुपर्दैन ।

‘हुन्डाई हाइवे एसुरेन्स चेक प्वाइन्ट’ का लागि ग्राहकले बिर्तामोड, इटहरी, दमक, भरतपुर, कैलाली, बुटवल, हेटौडा र बिरगंजस्ति हुन्डाई गाडीको आधिकारिक सर्भिस सेन्टरमा गएर सेवा लिन सक्नेछन् भने कुरिनटारमा न्यू मुक्तिनाथ थकाली किचन एण्ड रेष्टुरेन्टमा ब्यवस्था मिलाइएको कम्पनीले जनाएको छ । यो सेवा हरेक दिन विहान १० बजेदेखी साँझ ६ बजेसम्म उपलब्ध हुनेछ ।