क्यास्पर जस्तो डिजाइन भएको इलेक्ट्रिक माइक्रो एसयूभी हुन्डाई इन्स्टर

हुन्डाईले हुन्डाई इन्स्टर इलेक्ट्रिक माइक्रो एसयूभी सार्वजनिक गरेको छ । इन्स्टर हुन्डाईको इन्ट्री लेभल इलेक्ट्रिक एसयूभी हुनेछ । सो कार लोकप्रिय क्यास्पर सब-कम्प्याक्ट माइक्रो एसयूभीको परिमार्जित इलेक्ट्रिक संस्करण हो। इन्स्टरको अधिकांश डिजाइन क्यास्परसँग साझा गरिएको छ ।

डिजाइनको हिसाबले पनि यो कार क्यास्पर जस्तै देखिन्छ । इन्स्टर ईभीको लम्बाइ ३८२५ एमएम, चौडाइ १६१० एमएम, उचाइ १५७५ एमएम र ह्विलबेस २५८० एमएम छ । यसमा २८० लिटरको बुट स्पेस छ र यसलाई फोल्डिङ रियर सिटको साथ ३५१ लिटरमा विस्तार गर्न सकिन्छ । यसमा पिलर माउन्ट गरिएको रियर डोर ह्यान्डल, रूफ रेल र क्रिजमा कटका कारण यसलाई शार्प लुक दिइएको छ ।

इन्स्टर इलेक्ट्रिकको इन्टेरियर डिजाइन हुन्डाईको अन्य मोडलभन्दा धेरै फरक छ । यसमा इन्स्ट्रयुमेन्ट क्लस्टर,  १०.२५ इन्च इन्फोटेनमेन्ट टचस्क्रिन, अटोमेटिक क्लाइमेट कन्ट्रोल, वायरलेस चार्जर, स्टेयरिङ कोलम माउन्टेड, ड्राइभ मोड सिलेक्टरसहितको थ्री-स्पोक स्टेयरिङ ह्विल, भेन्टिलेटेड फ्रन्ट सिट, ३६० डिग्री सराउण्ड क्यामेरा, एम्बियन्ट लाइटिङ, ब्लाइन्ड स्पट मनिटर, सनरुफ र एडास जस्ता फिचर हुनेछ ।

इलेक्ट्रिक इन्स्टरमा ४२ किलोवाट र ४९ किलोवाट गरी २ वटा ब्याट्री प्याक प्रदान गरिनेछ । दुबैमा सिंगल इलेक्ट्रिक मोटर हुनेछ, जसमा सानो प्याकको लागि ९५ बीएचपी र ठुलो ब्याट्री प्याकको लागि ११३ बीएचपी, १४७ एनएमको टर्क उत्पादन गर्छ ।

दुबै ब्याट्री प्याकमा निकल कोबाल्ट म्यागनिजको प्रयोग गरिएको छ । इलेक्ट्रिक इन्स्टरले १० सेकेन्डमा १०० किलोमिटरको स्पिड लिन्छ र एक पटक चार्जमा ३५५ किलोमिटरसम्मको ड्राइभ रेन्ज प्रदान गर्न सक्छ