हुन्डाईले किन्यो ६० अर्ब भारुको लगानीमा जनरल मोटर्सको तालेगाउँ प्लान्ट

हुन्डाई मोटर इन्डियाले जनरल मोटर्सको तलेगाउँ प्लान्ट खरिद गरेको छ । सरकारी अधिकारी र सरोकारवालाबाट नियामक स्वीकृति लिएर र केही सर्तहरू पूरा गरेपछि अटोमेकरले अधिग्रहण पूरा गरेको बताएको छ ।

हुन्डाई र महाराष्ट्र सरकारले जनवरी १८, २०२४ मा डाभोसमा एक समझदारी पत्रमा हस्ताक्षर गरे । कम्पनीले यहाँ ६० अर्ब भारु लगानी गर्ने प्रतिबद्धता जनाएको छ ।

हुन्डाई मोटर इण्डिया लिमिटेडका एमडी र सीईओ अन सु किमले तालेगाउँ निर्माण प्लान्टले एचएमआईएलमा १० लाख वार्षिक उत्पादन क्षमताको माइलस्टोन हासिल गर्न उत्प्रेरक भूमिका खेल्ने जानकारी दिएका छन् ।

तालेगाउँ प्लान्टको अधिग्रहणले भारतलाई मेक–इन–इन्डियाको हब बनाएर विश्वका लागि उन्नत स्मार्ट मोबिलिटी सोलुसनप्रति प्रतिबद्धता बनाउनेमा विश्वास व्यक्त गरेको छ । कम्पनीले सन् २०२५ देखि तालेगाउँ, महाराष्ट्रमा काम सुरु हुनेछ ।

तालेगाउँ प्लान्टको हाल प्रतिवर्ष १ लाख ३० हजार युनिटको उत्पादन क्षमता छ । हुन्डाईको विश्वव्यापी परिचालन र उत्पादन मापदण्डमा यो सुविधा ल्याउने कम्पनीले जनाएको छ ।