भारतमा हाइब्रिड कारको बिक्री ११८ प्रतिशतले बढ्यो, ८१ प्रतिशत हिस्सा सहित टोयोटा अग्र स्थानमा

भारतमा हाइब्रिड कारको बिक्री उच्च दरले बढेको छ । हाइब्रिड कारको बिक्री आर्थिक वर्ष २०२६ को पहिलो त्रैमासिकमा दोब्बरभन्दा बढीले बृद्धि भएको हो ।

वाहन पोर्टलमा प्रकाशित तथ्याङ्क अनुसार, अप्रिल र जुन २०२५ को बीचमा २६ हजार ४६० हाइब्रिड सवारी साधनहरू बिक्री भएका थिए, जुन गत वर्षको सोही अवधिको तुलनामा ११८ प्रतिशतले बढी हो ।

सो अबधीमा टोयोटाले २१ हजार २४९ यूनिट कार बिक्री गरेर सुचीको शीर्ष स्थान हाँसिल गरेको छ भने मारुति सुजुकीले ४ हजार ७४५ हाइब्रिड सवारी साधनहरू बिक्री गरेको छ । त्यसैगरी, होन्डाले २२६ यूनिट बिक्री गर्न सफल भयो । सुजुकी र होन्डाको बिक्री समेत गत वर्षको सोही अवधीको तुलनमा क्रमशः २६३ र २८३ प्रतिशतले बृद्धि भएको हो ।

हाईब्रिड कारको बजामा ८१ प्रतिशत हिस्स सहित टोयोटा स्ट्रङ–हाइब्रिड सेग्मेन्टमा अग्रणी छ भने मारुति र होन्डाको बजार हिस्सा क्रमशः १८ र १ प्रतिशत छ ।

टोयोटाले हाल भारतमा नोभा हाइक्रस, अर्बन क्रूजर हाइराइडर, भेलफायर र क्यामरी गरी कुल चारवटा मोडलका हाइब्रिड कार बिक्री गर्दै आएको छ । मारुति सुजुकीसंग ग्रान्ड भिटारा र इन्भिक्टो उपलब्ध छ भने होन्डाले सिटी ईःएचईभी उपलब्ध गराउँदै आएको छ ।