ब्रेक र एक्सिलेटरमा खुट्टा कसरी राख्ने ?

ड्राइभिङ सिक्नु आजकल धेरै सजिलो भएको छ । कुनै पनि ड्राइभिङ स्कुल वा प्रशिक्षकबाट सजिलै कार चलाउन सिक्न सकिन्छ । ड्राइभिङ सिक्नका लागि धेरै कुरामा ध्यान दिनुपर्छ ।

तीमध्ये एक हुन् ब्रेक, क्लच र एक्सिलेटरमा खुट्टा कसरी राख्ने ? यस्ता कुरामा विशेष ध्यान दिनुपर्छ । ब्रेक र एक्सिलेटरको लागि दाहिने खुट्टा मात्र प्रयोग हुने हुनाले यो खुट्टाको स्थितिको ख्याल गर्नु महत्वपूर्ण छ । एक्सिलेटरमा खुट्टा राखेर ब्रेक कहिले थिच्नु हुँदैन ।

यसो गरेमा एक्सिलेटरलाई ब्रेकसँगै थिचिन्छ र इन्जिनले ब्रेक लगाएर पनि कारलाई अगाडि धकेल्छ, जसका कारण दुर्घटना हुन सक्छ । कारको ब्रेक लगाउँदा एक्सिलेटरबाट खुट्टा हटाएर ब्रेक प्याडलतिर ल्याउनुपर्छ । ब्रेक एक्सिलेटर वा क्लचलाई खुट्टा झुकाएर कहिल्यै थिच्नु हुँदैन । यसो गर्दा खुट्टा चिप्लन सक्छ र यसले दुर्घटना पनि निम्त्याउन सक्छ । खुट्टालाई सधैं सीधा राख्नुपर्छ । खाली खुट्टाले कहिल्यै कार चलाउनु हुँदैन ।

जुत्ता वा चप्पल लगाएर मात्र कार चलाउनु पर्छ । यसो गर्दा खुट्टाको पकड सही रहन्छ र खुट्टा प्याडलबाट चिप्लिदैन । साथै, जुत्ता वा चप्पल बिना सवारी चलाउँदा खुट्टामा दुखाइ हुने र खुट्टा चिप्लिएमा चोटपटक लाग्ने खतरा रहन्छ । यद्यपि विशेषज्ञहरुले सवारी चलाउँदा चप्पल र स्लिपर लगाएर कार चलाउन अनुमति दिदैनन् । किनकि यसले खुट्टा मुर्छा पार्ने र चोटपटक लाग्ने खतरा बढि हुन्छ । लङ ड्राइभमा क्लचको खुट्टा अर्थात् बायाँ खुट्टा सिटमा राख्ने बानी छ भने त्यो गलत हो ।

यदि आपतकालीन अवस्थामा गियर परिवर्तन गर्नु परेमा खतरनाक हुन सक्छ । सवारी चलाउँदा खुट्टा जहिले पनि तल राख्नुपर्छ । कारको क्लच नजिकै डेड प्याडल नभएमा र यसको आवश्यकता महसुस भएमा यसलाई सजिलैसँग लगाउन सकिन्छ ।