होन्डाले देखायो इलेक्ट्रिक मोटरसाइकलको डिजाइन स्केच

होन्डाले आफ्नो पहिलो इलेक्ट्रिक मोटरसाइकलको डिजाइन स्केच वाहिर ल्याएको छ । सन् २०२५ सम्ममा १० नयाँ इलेक्ट्रिक वाइक लन्च गर्ने घोषणा गरेको होन्डाले पहिलोपटक डिजाइन स्केच सार्वजनिक गरेको हो । यो स्केच होन्डाको अमेरिकन डिभिजनले वाहिर ल्याएको हो ।

सार्वजनिक भएको स्केच होन्डा सिवी ७५० हर्नेट र सिवी ३०० एफको डिजाइन ल्यांग्वेजसंग मिल्दोजुल्दो देखिएको छ । जसको फ्रन्ट सेक्सन एकदमै सार्प र एंगुलर रहेको देख्न सकिन्छ । इन्जिन राखिने सेक्सनमा व्याट्री प्याक देखिएको कारण पनि यो इलेक्ट्रिक मोटरसाइकलकै स्केच भएको सहजै अनुमान लगाउन सकिन्छ ।

ट्विन डिस्क व्रेकसहित यूएसडी फर्क समेत देखिएका कारण होन्डाको यो नयाँ इलेक्ट्रिक स्कुटर कम्वस्चन इन्जिन जत्तिकै स्पोर्टी रहने आँकलन गरिएको छ । डिजाइन स्केचमात्र वाहिर आएका कारण उत्पादनसम्मको चरणमा पुग्दा यसको डिजाइनमा परिवर्तन भने हुन सक्नेछ । मोटरसाइकलमा जडान हुने व्याट्री प्याक, मोटर र अन्य फिचरका वारेमा भने कुनै जानकारी वाहिर आइसकेको छैन ।