होन्डाले नयाँ स्कुटर ल्याउदै, टिजर सार्वजनिक

आफ्नो फ्ल्यागसिप मोडल एक्टिभाका साथ स्कुटर बजारमा राज गरिरहेको होन्डाले अब नयाँ टिजर सार्वजनिक गरेर सबैलाई चकित बनाएको छ । टिजरमा कम्पनीले एउटा भिडियो पोस्ट गरेको छ, जसमा लेभल अप योर स्टाइल लेखिएको छ । कम्पनीले नयाँ डियो १२५ लन्च गर्ने तयारी गरिरहेको छ ।

डियो १२५ स्कुटरमा नयाँ लुक दिइएको छ र यसको एक्जस्ट नोट स्पोर्ट्स बाइक जस्तै देखिएको छ । यसमा उत्कृष्ट भिजुअल ग्राफिक्स दिइएको छ । सो स्कुटर यही महिना लन्च गर्ने चर्चा चलिरहेको छ ।

कम्पनीले डियोको डियो १२५ र डियो ११० गरी २ भेरिएन्ट ल्याउने सम्भावना छ । यी दुबै स्कुटरमा फरक इन्जिन हुनेछ । यसमा होन्डा एक्टिभा १२५ र ११० को इन्जिन प्रयोग गर्ने अनुमान छ । कम्पनीले डियो १२५ मा प्रयोग गर्ने १२३.९ सीसी एयर कुल्ड इन्जिनले ८.१८ बीएचपी पावर जेनेरेट गर्नेछ ।

स्कुटरमा साइलेन्ट स्टार्ट सिस्टमको साथै इन्जिन अटो स्टार्ट स्टपको सुविधा दिइनेछ । साथै यसमा स्मार्ट किसहितको एच स्मार्ट सिस्टम पनि जडान गरिने छ । स्कुटरमा साइड स्ट्यान्ड कट अफ, स्मार्ट एलईडी र पास स्विचले सुसज्जित हुनेछ । यसमा डिजिटल डिस्प्ले हुनेछ । साथै, यसलाई एप मार्फत मोबाइलमा जडान गर्न सकिनेछ । स्कुटरमा यूएसबी चार्जिङको सुविधा पनि हुनेछ ।

यस बाहेक कम्पनीले ३५० सीसीको नयाँ मोटरसाइकल पनि लन्च गर्ने भएको छ । यसमा होन्डाले स्पोर्टस डिजाइन भन्दा फरक रोडस्टरमा पेश गर्नेछ । यद्यपि यसको इन्जिन सीबी३५० जस्तै हुनेछ तर यसमा टुरिङको हिसाबले डिजाइन गरिनेछ ।

तर, कम्पनीले यसको कुनै जानकारी दिएको छैन न त यसको लन्चको बारेमा कुनै खुलासा गरेको छ । यो बाइक क्रुजर बाइक हुने अनुमान पनि छ । यसको प्रत्यक्ष प्रतिस्पर्धा रोयल इन्फिल्ड र येज्दीका मोटरसाइकलसँग हुनेछ ।