गियर चेन्ज गर्न अव क्लच लिभर तान्नु नपर्ने, होन्डाले ल्याउँदै ‘ई–क्लच सिस्टम’

होन्डा मोटरसाइकलले नयाँ प्रबिधीको ई–क्लच सिस्टम ल्याउने भएको छ । सो नयाँ प्रबिधी प्रयोगमा आएपछि राइडरले क्लच लिभर नतानिकनै बाइकको गियर चेन्ज गर्न सक्नेछन् । जसका लागी बाइकको ह्यान्डलबारमा इलेक्ट्रोनिक स्विच राखिने कम्पनीले जनाएको छ । यो फिचर अप्सनमा उपलब्ध हुने उसको भनाई छ ।

निकट भविष्यमै होन्डाका अधिकांश मोडलमा सो नयाँ प्रबिधी प्रयोग हुने र यसले राइडरलाई सहजता प्रदान गर्ने होन्डाले अपेक्षा राखेको छ । टु–ह्विलरमा नयाँ प्रविधीको प्रयोग बढाएर राइडरलाई जतिसक्दो सुविधा दिन अन्य विषयमा समेत खोज तथा अनुसन्धान गरिरहेको कम्पनीले जनाइएको छ ।

होन्डाले छिट्टै आफ्नो फ्ल्यागसिप एड्भेन्चर र टुरर मोटरसाइकलमा डीसीटी गियरवक्स दिने तयारी गरिरहेको छ । होन्डा अफ्रिका ट्विन र गोल्ड विङमा डिसिटी गियरवक्स उपलब्ध हुने उसको भनाई छ ।