सीजी मोटर्सद्वारा हिरो मोटरसाइकलको नयाँ एक्सपल्स प्रो -याली संस्करण सार्वजनिक
काठमाडौं – नेपालका लागि हिरो मोटरसाइकलको आधिकारिक विक्रेता सीजी...
डिओ होण्डाको सर्बाधिक बिक्री हुने स्कुटर हो । यो स्कुटर ११० र १२५ सिसी इन्जिनमा उपलब्ध छ । जसमध्ये डिओ ११० बिएस४ र बिएस६ स्ट्यान्डर्डमा उपलब्ध छ भने १२५ बिएस ६ इन्जिनमा मा मात्रै बिक्री भइरहेको छ ।
आइतबारदेखी बिक्री प्रारम्भ हुन लागेको हिरो जुम भने बिएस६ इन्जिनमा मात्रै उपलब्ध छ । यो स्कुटरलाई नेपालका लागि आधिकारिक वितरक सिजी मोटर्सले नेपालमै एसेम्वल गर्नेछ । जुमको बिक्री प्रारम्भ भएपछि यसको सिधा प्रतिस्पर्धा होण्डा डिओसंगै हुनेछ ।
इन्जिन र पर्फमेन्स
होण्डा डिओमा १०९ सिसी क्षमताको इन्जिन जडान गरिएको छ । उक्त इन्जिनले ८ पिएस पावर र ९.०३ एनएम टर्क जेनेरेट गर्दछ । फ्यान कुल्ड कुलिङ सिस्टम दिइएको यो स्कुटरलाई ८३ किलोमिटर प्रतिघण्टाको उच्च गतिमा हाँक्न सकिन्छ । साथै यसको माइलेज ५५ किलोमिटर दावी गरिएको छ ।
डिओमा भन्दा केही ठूलो इन्जिन राखिएको हिरो जुममा ११०.९ सिसी क्षमताको इन्जिन पाउन सकिन्छ । यो स्कुटरको पावर डिओको जत्ति नै ८ पिएस भएपनि टर्क भने जम्मा ८.७० एनएम मात्रै छ । जुन डिओको तुलनामा केही कम हो । जुममा एयर कुल्ड कुलिङ सिस्टम दिइएको छ । यसलाई ८७ किलोमिटर प्रतिघण्टाको उच्चतम गतिमा हाँक्न सकिन्छ भने माइले ५० किलोमिटर दावी गरिएको छ ।
फिचर र सुबिधा
होण्डा डिओमा एलइडी डिआरएल सहितको एलइडी हेडल्याम्प दिइएको छ । साथै यसमा इन्जिन स्टार्ट स्टप स्विच, पासिङ स्विच, फ्रन्ट स्टोरेज पकेट र पूर्णत डिजिटल मिटर लागयत फिचर पाउन सकिन्छ । यसैगरी हिरो जुममा सिग्नेचर एच आकारको प्रोजेक्टर एलइडी हेडल्याम्प, एच आकारकै एलइडी टेल ल्याम्प, ब्लुटुथ कनेक्टिभिटी, डायमन्ड कट एलोई ह्विल र यूएसबी मोबाइल चार्जिङ लगायत फिचर दिइएको छ । दुबै स्कुटरमा कम्वाइन ब्रेकिङ सिस्टम पाउन सकिन्छ ।
डिओमा होण्डाले १८ लिटरको बुट स्पेस दिएको छ भने हिरो जुममा उक्त स्पेस १९.२ लिटरको पाउन सकिन्छ । यसैगरी, डिओको ग्राउन्ड क्लिरियन्स १५८ एमएम छ भने जुमको जम्मा १५५ एमएम मात्रै छ । यी दुबै स्कुटरमा ५.२ लिटर पेट्रोल भर्न सकिन्छ । साथै, सिट हाइट पनि लगभग उस्तैउस्तै छ ।
मूल्य र प्रतिस्पर्धा
होण्डा डिओ डिलक्स र स्ट्यान्डर्ड गरी कुल दुई भेरिएन्टमा उपलब्ध छ । जसको मूल्य क्रमशः २ लाख २ लाख ७० हजार र २ लाख ६० हजार निर्धारण गरिएको छ । हिरो जुम पनि डिओ जस्तै भिएक्स र जेडएक्स गरी दुई भेरिएन्टमा लन्च हुने तयारीमा छ । आधिकारिक वितरक सिजी मोटर्सका अनुसार स्कुटरको मूल्य क्रमश २ लाख ६० हजार र २ लाख ५० हजार रुपैयाँ निर्धारण गरिनेछ ।
डिओको तुलनामा १० हजार रुपैयाँले सस्तो पर्ने जुम नेपाली बजारको लागी नयाँ स्कुटर भएका कारण ग्राहकको आकर्षणमा पर्ने अनुमान गर्न सकिन्छ । हिरो जुमले जति धेरै बजार लियो त्यत्तिनै ११० सिसी सेग्मेन्टमा एकछत्र जस्तै राज गरेको डिओको हिस्सा घट्दै जानेछ ।
काठमाडौं – नेपालका लागि हिरो मोटरसाइकलको आधिकारिक विक्रेता सीजी...
हिरो मोटोकर्पले नयाँ २५० सीसी मोटरसाइकल ल्याउने भएको छ । कम्पनीले सो...
हामी नेपाल र भारत तथा चीनको कार बजारको वारेमा धेरै चर्चा गर्छौ । नेपालको...
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...