एच–स्मार्ट टेक्नोलोजीमा आउने भयो होन्डा डियो

होन्डाको लोकप्रिय स्कुटर डियो अब एच–स्मार्ट टेक्नोलोजीमा आउने भएको छ । यो भन्दा पहिले होन्डा एक्टिभामा यो प्रविधि भएकोमा अब डियोमा समेत यो प्रविधि आउने छ ।

एच–स्मार्ट टेक्नोलोजीमा किलेस फङसन र अलोय ह्विल जस्ता फिचर हुनेछन् । यस अन्तर्गत स्मार्ट फाइन्ड फिचरले सबै चारवटै इन्डिकेटरबाट भेइकलको लोकेसन देखाउछ ।

स्मार्ट स्टार्टले स्विचलाई फ्लिप गरेकै भरमा स्कुटर स्टार्ट हुन दिन्छ भने स्मार्ट अनलकले किफोबको प्रयोग गरी ह्यान्डलबार, फ्युल फिलर क्याप र अन्डरसिट स्टोरेज खोल्छ । स्मार्ट सेफ फिचरले किलेस फङसनलाई बन्द गरी स्कुटरलाई सुरक्षित बनाउछ ।

मेकानिकल रुपमा भने यसको फिचरमा अन्य कुनै परिवर्तन हुने छैन । डियोमा १०९ सीसीको सिंगल सिलिन्डर इन्जिन छ, जसले ७.८ बीएचपी पावर र ९ एनएम टर्क जेनेरेट गर्छ ।

बजारमा उपलब्ध भए पश्चात यो मोडलको मूल्य हालको मोडल भन्दा केही बढी हुन सक्ने अनुमान गरिएको छ ।

हाल नेपाली बजारमा होन्डा डियो स्ट्यान्डर्डको मूल्य २ लाख १८ हजार ९ सय र डियो डिलक्सको मूल्य २ लाख २८ हजार ९ सय रुपैयाँ छ ।