होन्डा सीवी ३०० आरको २०२३ मोडल सार्बजनिक, यस्ता छन फिचर

होन्डाले सीबी ३०० आरको २०२३ मोडल भारतमा लन्च गरेको छ । होन्डाले सो स्पोर्ट्स क्याफे रोडस्टारको मूल्य २ लाख ४० हजार भारु निर्धारण गरेको छ । बाइकको स्टायल तथा डिजाइन होन्डा सीबी १००० आरबाट प्रेरिरत रहेको देख्न सकिन्छ ।

सो नयाँ मोडलमा गोलाकार एलइडी हेडल्याम्प, मस्कुलर फ्यूल ट्यांक, अपस्वेप्ट एक्जस्ट, डिजिटल इन्स्ट्रयूमेन्ट कन्सोल, इमर्जेन्सी स्टप सिग्नल र हाजार्ड लाइट स्विच लगायत विशेषता दिइएको छ । साथै यसमा ४१ एमएमको अपसाइड डाउन फ्रन्ट फर्क र रियरमा एड्जस्टेवल मोनोशक पाउन सकिन्छ ।

सुरक्षाका लागी यसमा डुअल च्यानल एविएस सहितको डिस्क ब्रेक दिइएको छ । बाइकको तौल १४६ किलोग्राम रहेको छ । यसमा जडान गरिएको २८६ सिसीको इन्जिनले ३०.७ बीएचपी पावर र २७.५ एनएम टर्क जेनेरेट गर्दछ । ६ स्पिड गिरबक्स दिइएको सीवी ३०० आर २०२३ मा एसिस्ट स्लिपर क्लच समेत पाउन सकिन्छ ।