होन्डाका दुई नयाँ विद्युतीय स्कुटरको प्रि–बुकिङ सुरु

होन्डाले आफ्नो दुई नयाँ स्कुटर एक्टिभा ईः र क्यूसी१ इलेक्ट्रिक स्कुटरको प्रि–बुकिङ खुला गरेको छ । कम्पनीले भारतको मुम्बई, बेंगलुरु, हैदरावाद, पुणे र दिल्लीमा बुकिङ लिन थालेको हो । होन्डाका अनुसार ग्राहकले १ हजार भारु टोकन रकम तिरेर ई–स्कुटर बुक गर्न सक्नेछन् ।

ती दुबै स्कुटरलाई होन्डाले गत वर्ष नोभेम्बरमा सार्वजनिक गरेको थियो । यी भारतीय बजारका लागि होन्डाको पहिलो विद्युतीय स्कुटर हुन् ।

एक्टिभा ईः मा १.५ किलोवाट आवरको स्वापेबल ब्याट्री प्याक तथा ६ किलोवाटको इलेक्ट्रिक मोटर प्रयोग गरिएको छ । यसको पिक टर्क २२ एनएम छ भने एकपटकको फुल चार्जमा १०२ किलोमिटर रेन्ज दिने दाबी गरिएको छ ।

यसैगरी, अर्को मोडल क्यूसी१ मा १.५ किलोवाट आवरको फिक्स्ड ब्याट्री प्याक राखिएको छ । यसले १.८ किलोवाट पावर र ७७ एनएम को पीक आउटपुटका साथ इन–व्हील इलेक्ट्रिक मोटरलाई शक्ति दिन्छ । साथै यसमा स्ट्यान्डर्ड र इकोन गरी दुईवटा राइडिङ मोड छ भने यसलाई ५० किलोमिटर प्रति घण्टाको उच्च गतिमा हाँक्न सकिन्छ ।

यी दुबै स्कुटरको मूल्य यसै महिनाको अन्त्यमा घोषणा गर्ने र डेलिभरी फेब्रुअरीमा सुरु गर्ने होन्डाको तयारी छ ।