‘हिमालय रोडिज ४’का लागि डिजिटल अडिसन सुरु, यामाहा मुख्य प्रायोजक

हिमालय टेलिभिजनको लोकप्रिय कार्यक्रम ‘हिमालय रोडिज’को चौथो सिजनका लागि अडिसन सुरु गरिएको जानकारी दिइएको छ । कोरोना महामारीका कारण चौथो सिजनको अडिसन डिजिटल माध्यमबाट सुरु गरिएको हो । यसपटकको नारा, ‘सिजन अफ सर्भाइभल’ राखिएको छ । यो शोमा सहभागी हुन चाहनेले मोबाइल एप डाउनलोड गरी अडिसन फर्म भर्न सक्नेछन् । २ साता अडिसनका लागि समय दिइएको छ ।

डिजिटल अडिसनमार्फत छनोट भएकाहरुलाई फिजिकल अडिसनका लागि बोलाइने आयोजकले बताएको छ । यो कार्यक्रम असोज पहिलो सातादेखी हरेक सोमबार राती ८ बजे प्रशारण हुनेछ ।

यसपटकको सिजनलाई निर्देशक सिमोस सुनवारले निर्देशन गर्दैछन् । यसअघिका ३ श्रृङ्खलाको निर्देशन अमनप्रताप अधिकारीले गरेका थिए । पत्रकार सम्मेलनमा निर्देशक सुनुवारले नयाँ सिजन युवापुस्ताको संघर्षमा केन्द्रित गरेर रोचक बनाउने बताए । यो शोलाई साहसी खेल समेत मानिन्छ ।

यो सिजनमा पनि गतबर्षको जस्तै अनुप विक्रम शाही, दिया मास्के, आशिष राना र समन श्रेष्ठ टिम क्याप्टेनका रुपमा रहनेछन् । कार्यक्रमको संचालन रमेनदास श्रेष्ठले गर्नेछन् ।

यामाहा एफजेड सिरिजले हिमालय रोडिजलाई प्रायोजन गर्नेछ ।