ईभी फ्लीटको ठूलो हिस्सा बेचेर पेट्रोलियम कारमा फर्किने हर्ट्जको घोषणा

विश्व प्रख्यात कार रेन्टल कम्पनी हर्ट्जले आफ्नो ईभी फ्लीटको एक तिहाई हिस्सा बिक्री गर्ने घोषणा गरेको छ । ईभीको बिक्रीबाट आउने उक्त रकमलाई उसले पेट्रोलियम अर्थात ईन्टरनल कम्वसन ईन्जिन(आईसीई) कारको खरिदमा लगानी गर्ने बताएको छ । हर्ट्जको ईभी फ्लीटमा धेरैजसो टेस्ला मोडेलहरू समावेश छन् ।

ईभीको माग कम हुँदै जानु र अपेक्षित भन्दा उच्च मर्मत लागत आएपछि यस्तो निर्णय लिइएको कम्पनीले जनाएको छ । कम्पनीले पहिल्यैदेखी आफ्नो ईभी फ्लीटहरू बेच्न थालिसकेको र २०२४ सम्म जारी रहने बताईएको छ ।

कम्पनीका अनुसार बिक्रीमा रहेका इलेक्ट्रिक कारहरूलाई ठूलो छुटका साथ प्रस्ताव गरिएको छ । आफ्नो यो निर्णयले आगामी वर्षमा हुने घाटालाई पूर्ति गर्न समेत सहयोग गर्ने उसको भनाई छ ।

हटर््जले सुरुमा २०२२ को अन्त्यसम्म १ लाख टेस्ला खरिद गर्ने योजना घोषणा गरेको थियो । उक्त घोषणका बावजुत कम्पनीले अक्टोबर २०२३ सम्म जम्मा ३५ हजार युनिट मात्र टेस्ला किनेको थियो ।

यसैगरी जीएमबाट १ लाख ७५ हजार र पोलेस्टारबाट ६५ हजार यूनिट ईभी खरिद गर्ने घोषणा गरेकोमा ती कारको खरिद समेत रद्ध हुनसक्ने आँकलन गरिएको छ ।