हिरो एक्सपल्स २०० र एक्स्ट्रिम १६० आरको मूल्य ३ हजार रुपैयाँले बढ्यो

काठमाडौं – हिरोको नेपाली बजारमा रहेको लोकप्रिय एड्भेन्चर मोटरसाइकल एक्सपल्स २०० को मूल्य ३ हजार रुपैयाँले बढेको छ । यस अनुसार अब यो मोटरसाइकलको मूल्य ४ लाख २ हजार रुपैयाँ पुगेको छ । यो भन्दा पहिले यसको मूल्य ३ लाख ९९ हजार रुपैयाँ थियो ।

हिरोको नेपालका लागि आधिकारिक वितरक नेपाल जनरल मार्केटिङले हालै सार्वजनिक गरेको नयाँ मूल्य सूची अनुसार एक्स्ट्रिम १६०आर को मूल्यमा समेत ३ हजार रुपैयाँले वृद्धि भई ३ लाख ४२ हजार रुपैयाँ पुगेको छ ।

२ सय सीसीको इन्जिन जडान रहेको हिरो एक्सपल्स २०० मा २२० एमएम ग्राउण्ड क्लियरेन्स र सिट हाइट ८२३ मिलिमिटर छ । उक्त इन्जिनले १८.४ बीएचपी पावर र १७.१ एनएम टर्क दिन्छ ।

बाइकमा राइडरको सुरक्षाका लागि विशेष ध्यान दिइएको छ । यसको सिटमा ननस्लिपर टेक्स्टायल प्रयोग गरिएको कारण चालकलाई चिप्लन दिदैन । ५ स्पिड ट्रान्समिसन, एलईडी हेडल्याम्प, फूल डिजिटल जीपीएस नेभिगेसन सहितको डिस्प्ले, ठूलो सिट र रबर प्याडहरुको साथ सामान राख्ने प्लट यसमा रहेका छन् । सिटको मुनि मोबाइल चार्जिङको व्यवस्था पनि छ ।

हिरो एक्स्ट्रिम १६० आर बाइक यो सेगमेन्टकै सबैभन्दा तीव्र गतिमा चल्ने मोटरसाइकल भएको दावी गरिएको छ । सिंगल च्यानल एबीएसका साथ डबल डिस्क मोडलमा उपलब्ध नयाँ एक्स्ट्रिम १६० आरमा १६० सीसी एयर कुल्ड बीएस६ मापदण्डको इन्जिनको साथ आउँछ, जुन एक्ससेन्स प्रविधि र उन्नत प्रोग्राम्ड–फ्युल–इन्जेक्सनद्वारा सञ्चालित छ । यो इन्जिनले १५ बीएचपी २ ८५०० आरपीएमको प्रभावशाली पावर आउटपुट प्रदान गर्दछ । तीव्र गतिका वर्गमा ‘द्रूत लेन’मा समावेश हुँदै यसले ४.७ सेकेन्डमा ०–६० किमीरप्रतिघण्टाको गति प्रदान गर्छ ।

३७ एमएम टेलिस्कोपिक फ्रन्ट फोर्क्स र सात तहको समायोजनयोग्य रियर मोनो–सक सस्पेन्सन सेटअप सहरी चुस्ती÷स्फूर्तिका लागि तयार गरिएको छ, जसले सटिक ह्यान्डलिङ र एक सुस्पष्ट सवारी प्रदान गर्दछ । २७६ एमएम फ्रन्ट पेटल डिस्क र २२० एमएम पछाडिको पेटल डिस्क ब्रेकले सवारी चालक सधैं पूर्ण नियन्त्रणमा हुने र रोक्न सकिने शक्तिप्रति विश्वस्त हुन्छन् भन्ने सुनिश्चित तुल्याउँछ । १६५ एमएम ग्राउन्ड क्लियरेन्सले सवारी बाधामुक्त भएको सुनिश्चित गर्दछ ।