डिटेल लिक : हिरो एक्सपल्स २०० फोरभी अब -याली एडिसनमा आउने

हिरो मोटोकर्पको लोकप्रिय अफरोडर बाइक एक्सपल्स २०० फोरभी अब -याली एडिसनमा आउने भएको छ ।

हालै मिडियाहरुमा लिक भएको टाइप एप्रुभल डकुमेन्ट अनुसार हिरोले अहिले उपलब्ध एक्सपल्स २०० फोरभीको अझै हार्डकोर भर्सन बजारमा ल्याउने तयारी गरिरहेको छ । यसको नाम हिरो एक्सपल्स फोरभी -याली एडिसन हुनेछ ।

कम्पनीले आधिकारिक रुपमा यसको वारेमा जानकारी सार्वजनिक नगरे पनि डकुमेन्टका आधारमा नयाँ अफरोड बाइकको विभिन्न विशेषता थाहा भएको छ ।

सबैभन्दा महत्वपूर्ण तथ्य के थाहा भएको छ भने यो हिरो एक्सपल्स २०० फोरभीकै अर्को भर्सन हुनेछ । यो स्ट्यान्डर्ड एक्सपल्स फोरभी भन्दा माथिल्लो भेरिएन्ट हुनेछ । यसमा प्रयोग हुने पार्ट्स र एसेसरिज स्ट्यान्डर्ड बाइकको अप्सनल एसेसरिजको रुपमा प्रयोग गर्न सकिने छ ।

यसको मेकानिकल कम्पोनेन्ट भने स्ट्यान्डर्ड २०० फोरभीकै हुनेछ । यसको अर्थ यसमा १९९.६ सिंगल सिलिन्डर, एयरकुल्ड इन्जिन प्रयोग गरिने छ, जसले १८.९ एचपी पावर र १७.३५ एनएम टर्क जेनेरेट गर्छ ।

डकुमेन्ट अनुसार बाइकलाई स्पोर्टी बनाउन यसको डाइमेन्सनमा स्ट्यान्डर्ड मोडल भन्दा केही सुधार गरिएको छ । यसको समग्र चौडाई उही भए पनि लम्बाई, उचाई, ह्विलबेस आदि केही बढाइएको छ ।

यो बाइकमा अफरोडमा आधारित रबर प्रयोग गरिएको छ । त्यसैगरी लङ ट्राभल सस्पेन्सन, अप्सनल सेन्टर स्ट्यान्ड सहित लामो साइड स्ट्यान्ड, ह्यान्डलबार राइजर आदि प्रयोग गरिएको हुनेछ ।