हिरो सुपर स्प्लेन्डर १२५ नाडा अटो शोमा

काठमाडौं - नेपाली बजारमा हिरोको सुपर स्प्लेन्डर १२५ मोटरसाइकलको बिक्री सुरू भएको छ । नेपालका लागि हिरोको आधिकारिक बिक्रेता सीजी मोटर्सले नाडा अटो शो २०२५ मा सुपर स्प्लेन्डरको बिक्री सुरू गरेको हो ।

१२४.७ सीसी सिंगल सिलिन्डर एयर कुल्ड बीएस ६ इन्जिन रहेको यो मोटरसाइकलमा अधिकतम १०.७ बीएचपी र १०.६ एनएम पीक टर्क जेनेरेट गर्छ। यसलाई ५ स्पिड गियरबक्ससँग जडान गरिएको छ ।

सुपर स्प्लेन्डर एक्सटेकमा एलईडी हेडल्याम्प, एलईडी डीआरएल लाइट दिइएको छ । यसको टर्न इन्डिकेटर र टेलल्याम्प भने हेलोजन बल्बमा पाउन सकिन्छ । कम्पनीले नयाँ बाइकमा हेडल्याम्प काउल र भाइजर पनि अपडेट गरेको छ।

यसमा ब्लुटुथ कनेक्टिभिटी सहितको डिजिटल स्पिडोमिटर, कल अर्लट तथा एसएमएस अर्लट नोटिफिकेशन पाउन सकिन्छ । कम्पनीले सुपर स्प्लेन्डरको मूल्य २ लाख ६६ हजार ९०० रुपैयाँ तोकेर बिक्री सुरू गरेको हो ।