हिरो स्प्लेन्डरलाई इलेक्ट्रिक गराउन मन छ ? आयो यस्तो इलेक्ट्रिक किट, फुल चार्जमा १५१ किमी

हिरो मोटोकर्पले अहिलेसम्म एउटा पनि इलेक्ट्रिक मोटरसाइकल वा इलेक्ट्रिक स्कुटर लन्च गरेको छैन । तर कम्पनीको सबैभन्दा बढी बिक्री हुने बाइक हिरो स्प्लेन्डरको लागि आवश्यक विद्युतीय किट आइपुगेको छ, जसलाई मुम्बई स्थित ठाणेको स्टार्टअप कम्पनी गोगोए१ ले पेश गरेको छ । आफूले चाहेको बेलामा सो बाइकमा विद्युतीय किट जडान गर्न सकिन्छ । कम्पनीको दाबी अनुसार सो स्कुटरले एक पटक चार्जमा १५१ किलोमिटरसम्म चल्न सक्छ ।

हिरो स्प्लेन्डर किनेका र पेट्रोलको महँगीले हैरान भएकाहरुले यो बाइकमा विद्युतीय किट जडान गरेर पैसा बचत गर्ने विकल्प रहेको छ । हिरो स्प्लेन्डरको लागि यो विद्युतीय किटको प्रयोगलाई आरटीओले पनि अनुमोदन गरेको छ । हिरो स्प्लेन्डर ईभी कन्भर्सन किटको मूल्य ३५ हजार भारु राखिएको छ । सो बाइक किन्दा ६ हजार ३ सय भारु जीएसटीको साथ करिब ४२ हजार भारु इलेक्ट्रिक किट समावेश रहेको छ । बाइकमा ५० हजार भारु भन्दा कममा इलेक्ट्रिक किट पनि जडान गर्न सकिन्छ ।

हिरो स्प्लेन्डर इलेक्ट्रिक किटमा ३ वर्षको वारेन्टी दिइएको छ । खरिदकर्ताले गोगोए१को साइटमा गएर यसलाई अर्डर गर्न सकिन्छ । हिरो मोटोकर्पले चाँडै नै भारतमा आफ्नो पहिलो इलेक्ट्रिक स्कुटर लन्च गर्न गइरहेको छ, जुन विगतमा पनि देखाइएको छ । आगामी दिनहरूमा कम्पनीले इलेक्ट्रिकमा थप नयाँ मोडलहरू लन्च गर्ने सम्भावना रहेको छ ।