बढ्यो हिरोका मोटरसाइकल र स्कुटरको मूल्य : यस्तो छ सबै मोडलको नयाँ मूल्य

काठमाडौं – नेपाली बजारमा हिरोको आधिकारिक वितरक नेपाल जनरल मार्केटिङ प्रालिले विभिन्न मोडलको नयाँ मूल्य सूची सार्वजनिक गरेको छ । नयाँ मूल्य सूची अनुसार विभिन्न मोडलको मूल्य वृद्धि गरिएको छ ।

नेपाली बजारमा हिरोको सबैभन्दा कम मूल्यको मोटरसाइकल एचएफ डिलक्स हो । यसको मूल्य १ लाख ८३ हजार रुपैयाँ छ । त्यसैगरी सबैभन्दा धेरै मूल्यको मोटरसाइकल एक्सपल्स २०० फोरभी हो । यसको मूल्य ४ लाख ५२ हजार ५ सय रुपैयाँ तोकिएको छ ।

स्कुटरमा सबैभन्दा कम मूल्य ११० सीसीको प्लेजर हो । यसको मूल्य २ लाख ५ हजार ५ सय रुपैयाँ छ भने सबैभन्दा धेरै मूल्यको स्कुटर हिरो माएस्ट्रो एज १२५ एफआई हो । यसको मूल्य २ लाख ६८ हजार रुपैयाँ छ ।

नेपाली बजारमा उपलब्ध हिरोका मोटरसाइकलमा ५ वर्ष वा ७० हजार किलोमिटर र स्कुटरमा ५ वर्ष वा ५० हजार किलोमिटर सम्म वारेन्टी उपलब्ध छ । त्यसैगरी सबै मोडलमा ९ पटक निःशुल्क सर्भिसिङ सुविधा उपलब्ध हुने कम्पनीको भनाइ छ ।

नेपाली बजारमा उपलब्ध हिरोका मोटरसाइकल र स्कुटर तथा तिनको नयाँ मूल्य सूची यस प्रकार छ :