हिरो मोटोकर्पद्वारा भिडा इलेक्ट्रिकको नयाँ लोगो सार्वजनिक

विश्वकै ठूलो दुईपाङ्ग्रे सवारी साधन निर्माता कम्पनी हिरो मोटोकर्पको इलेक्ट्रिक मोबिलिटी ब्रान्ड ‘भिडा’ले आफ्नो नयाँ ब्रान्ड लोगो अनावरण गरेको छ । नयाँ पहिचानका साथ अगाडि बढ्ने क्रममा कम्पनीले ३५ हजार २९२ वर्ग फिटको विशाल ब्रान्ड लोगो निर्माण गरेर ‘एसिया बुक अफ रेकड्र्स’मा समेत आफ्नो नाम दर्ता गराउन सफल भएको छ ।

भिडाको नयाँ लोगोमा हिरोको कर्पोरेट लोगोबाट लिइएको आकर्षक ‘भी’ प्रतीकलाई समावेश गरिएको छ । यसका साथै कम्पनीले ‘द भुम’ नामक नयाँ ‘मोसन ल्यांग्वेज र ‘सोनिक सिग्नेचर’ समेत प्रस्तुत गरेको छ ।

ब्रान्डको बलियो विरासतलाई कायम राख्न यसका पुराना उत्पादनहरू जस्तै ‘पावर्ड वाई हिरो’ ट्यागलाइनलाई भने ब्रान्ड पहिचानको हिस्साकै रूपमा निरन्तरता दिइएको छ ।

नयाँ लोगो अनावरण गर्दै हिरो मोटोकर्पका कार्यकारी अध्यक्ष पवन मुन्जालले भने, ‘साँचो प्रगति कहिल्यै स्थिर रहँदैन; यसले बोल्ड र नयाँ दिशाहरूमा शाखा विस्तार गर्न आफ्नो विश्वसनीय विरासतको गहिरो जरामा आफूलाई स्थापित गर्दछ ।

कम्पनीका अनुसार यो नयाँ ब्रान्डिङ र लोगोलाई भिडाको रिटेल नेटवर्क डिजिटल प्लेटफर्महरू, कनेक्टेड इन्टरफेसहरू र भविष्यमा आउने नयाँ उत्पादनहरूको पोर्टफोलियोमा चरणबद्ध रूपमा लागू गरिनेछ ।