लन्च नहुँदै देखियो हिरो प्यासन एक्सप्रो

हिरोले तीन नयाँ मोडलका बाइक लन्च गर्ने तयारी गरिरहेको छ । ती मध्ये पछिल्लो समयमा चर्चामा रहेको हिरो प्यासन एक्सप्रो लन्च नहुँदै सामाजिक सञ्जालमा सार्वजनिक भएको छ ।

भारतमा बीएस६ नर्म्स लागू भए पश्चात यसको उत्पादन बन्द गरिएको थियो । हाल टेस्ट राइडको क्रममा यो मोटरसाइकल देखिएको हो ।

तस्बिर हेर्दा यसमा ११३.२ सीसी एयरकुल्ड इन्जिन हुने देखिएको छ, जसले ९.१५ एचपी पावर र ९.७९ एनएम टर्क जेनेरेट गर्छ । यसमा भएको एलईडी हेडलाइट र बडीवर्क हिरो एक्सटेक मोटरसाइकलमा जस्तै हुनेछ भने फुल्ली डिजिटल एलसीडी ड्यासबोर्ड नभएर यसमा प्यासन प्रो जस्तै डिजीटल एनालग सिस्टम हुनेछ ।

यसको मूल्य भने प्यासन प्रो र एक्सटेक मोडलको बीचमा हुने अनुमान गरिएको छ ।