हिरोले ल्यायो नयाँ फाइनान्स स्किम, तोकिएकै समयमा किस्ता तिर्दा ४ प्रतिशत ब्याज फिर्ता

हिरो मोटरसाइकलको नेपालका लागि आधिकारिक बिक्रेता नेपाल जनरल मार्केटिङ प्रालिले नयाँ फाइनान्स स्किम ल्याएको छ । उक्त स्किम अन्तर्गत ग्राहकले ४० प्रतिशत रकम डाउनपेमेन्ट गरेर मोटरसाइकल तथा स्कुटर खरिद गर्न सक्नेछन् ।

यसरी खरिद गर्दा लाग्ने १३ प्रतिशत ब्याजदरमा ग्राहककले समयमै किस्ता भुक्तानी गरेबापत कुल ब्याजको ४ प्रतिशत रकम पछि एकमुष्ट फिर्ता पाउनेछन् । कम्पनीले १२ महिना र २४ महिनाको किस्ताबन्दि योजना लागु गर्दै आएको छ ।

यो योजना नेपाल जनरल मार्केटिङकको काठमाडौं र ललितपुरमा रहेको शोरुममा मात्र लागु हुने कम्पनी स्रोतले बताएको छ । उपत्यकामा बालाजु, बालकुमारी, टेकु, कान्तिपथ, कुमारीपाटी र मित्रपार्ककमा कम्पनीको आफ्नै शोरुम छन् ।