हिरो मोटोकर्पले लन्च ग-यो ४४० सीसीको माभरिक, कम्पनीकै सर्बाधिक पावरफुल मोटरसाइकल

हिरो मोटोकर्पले भारतीय बजारमा ४४० सीसीको बाइक हिरो माभरिक लन्च गरेको छ । यसको मूल्य १ लाख ९९ हजार भारु तोकिएको छ । टप स्पेक मोडलको मूल्य भने २ लाख २४ हजार भारु सम्म हुनेछ । यो बेस, मिड र टप गरी तीन भेरिएन्टमा उपलब्ध हुनेछ ।

हार्ले डेभिडसनसँगको सहकार्यमा विकास गरिएको हिरो माभरिक गत महिनाको एक इभेन्टमा सार्वजनिक गरिएको थियो । यो कम्पनीको पोर्टफोलियोमा सबैभन्दा पावरफुल मोटरसाइकल हो ।

कम्पनीले यो बाइकलाई निकै मस्कुलर डिजाइनका साथ उपलब्ध गराएको छ । यसको फ्युल ट्यांकलाई ४४० सीसी अनुसार फराकिलो र ठूलो बनाइएको छ । यसबाहेक लामो यात्राका लागि सिटलाई सहज बनाइएको छ । बाइकको कुनै पनि भेरिएन्टमा स्प्लिट सिट छैन । यसमा एच–आकारमा एलईडी डीआरएल सहित पूर्ण एलईडी हेडलाइट छ । यो बाइक ५ कलर भेरिएन्टमा आउनेछ । यसको बेस मोडलमा स्पोक ह्विल उपलब्ध छ भने मिड र टप मोडलमा अलोय ह्विल उपलब्ध छ ।

यस बाइकमा टेललाइट र टर्न इन्डिकेटर पनि एलईडीमा दिइएको छ । यसका साथै कम्पनीले बाइकमा फुल डिजिटल इन्स्ट्रयुमेन्ट क्लस्टर पनि उपलब्ध गराएको छ जसमा टर्न–बाइ–टर्न नेभिगेसनको सुविधा पनि रहेको छ । यसका साथै बाइकमा ३५ कनेक्टेड फिचरहरू पनि उपलब्ध छन् जसमा कल, टेक्स्ट नोटिफिकेशनलगायतका धेरै सुविधाहरू छन् ।

यो बाइकमा ४४० सीसीको लिक्विड–कुल्ड इन्जिन छ, जसले ४००० आरपीएममा ३६ एनएमको टर्क र २७ बीएचपी पावर जेनेरेट गर्छ । यो बाइक एक्स४४० प्लेटफर्ममा निर्माण गरिएको हो । बाइकमा ६ स्पिड गियरबक्स रहेको छ । बाइकको फ्युल ट्यांक क्षमता १३.५ लिटर छ । यसबाहेक १७५ एमएमको ग्राउण्ड क्लियरेन्स उपलब्ध छ । बाइकमा फ्रन्ट टेलिस्कोपिक सस्पेन्सन, रियरमा ड्युअल शकर्स, डिस्क ब्रेक र अलोय ह्विलजस्ता विशेषताहरू छन् ।