एक्सपल्स २०० फोरभी सहित हिरो ग्ल्यामर एक्सटेक र मेस्ट्रो एज स्कुटर नेपाली बजारमा

हिरो मोटरसाइकलको नेपालका लागि आधिकारिक बितरक नेपाल जनरल मार्केटिङ प्रालिले आज एक्सपल्स २०० फोरी भी सहित अर्को एउटा नयाँ भर्सनको मोटरसाइकल र १२५ सिसी क्षमताको नयाँ स्कुटर लन्च गरेको छ । भक्तपुरको सल्लाघारीमा एक कार्यक्रमको आयोजना गरी एक्सपल्स २०० फोरी भी सहित ग्ल्यामरको नयाँ भर्सन ग्ल्यामर एक्सटेक र मेस्ट्रो एज१२५ स्कुटरलाई एकसाथ सार्बजनिक गरिएको हो । यी सबै मोडल बिएस ६ संस्करणका हुन् ।

जसमध्ये एक्सपल्स २०० फोरभीको मूल्य ४ लाख ५० हजार, ग्ल्यामर एक्सटेकको २ लाख ७६ हजार र मेस्ट्रो एज स्कुटरको २ लाख ६६ हजार रुपैयाँ निर्धारण गरिएको छ ।

नयाँ बाइक लन्च भएसंगै कम्पनीले ४ दिने मेगा इभेन्टको आयोजना गर्ने समेत बताएको छ । जसअन्तर्गत भोली र पर्सी भक्तपुरको सल्लाघारीमा एक्सचेन्ज क्याम्प र सोही मितीमा लोमान्थाङ ट्रेलमा पहिलोपटक आफ्नो फ्ल्यागसिप एक्सट्रयाक्स कार्यक्रम आयोजना हुनेछन् । बिएस ६ संस्करणमा उपलब्ध फिचर्स, प्रबिधी र बिशेषताका बारेमा राइडरलाई जानकारी दिन उक्त कार्यक्रम फलदायी हुने कम्पनीले विश्वास लिएको छ ।

एक्सपल्स २०० फोरभी
लन्च हुनु केही समय पहिले नै नेपाल भित्रिएको इन्ट्रि लेभलको एड्भेन्चर वाइक एक्सपल्समा २०० सिसी क्षमताको बिएस६ आयल कुल्ड इन्जिन जडान गरिएको छ । यो मोटरसाइकलको अधिकतम पवार १९.१ पिएस र टर्क १७.३५ एनएम रहेको छ । यो मोटरसाइकलमा हिरो मोटोकर्पले सेग्मेन्टकै उत्कृष्ट कुलिङ सिस्टम उपलब्ध गराएको दाबी गरेको छ ।

साथै यो मोटरसाइकलमा एलइडी हेडलाइट, स्मार्ट फोन कनेक्टिभिटी र कल अलर्ट, टर्न वाई टर्न नेभिगेसन, गियर इन्डिकेटर, इको मोड, डवल ट्रिप मिटर, सिंगल च्यानल एबिएस जस्ता सेग्मेन्ट फस्र्ट फिचर्स दिइएको छ ।

एड्भेन्च टुरका लागी सहज होस भनेर अगाडी १९० एमएम र पछाडी १७० एमएमको लामो सस्पेन्सन दिइएको छ । जसलाई राइडरले आफ्नो आबश्यकता अनुरुप १० तरिकाले एड्जस्ट गर्न सक्नेछन् । साथै अगाडी २१ इन्च र पछाडी १८ इन्चको स्पोक ह्विल, सुधार गरिएको सिट, विन्डसिल्ड, युएसवी चार्जर र ¥याली किट उपलब्ध गराइएको छ । अफरोडमा यात्रा गर्ने क्रममा यसको इन्जिनलाई ठोक्किनबाट जोगाउँन आल्मुनियम स्किड प्लेट समेत राखिएको छ । यो मोटरसाइकलको ग्राउन्ड क्लिरियन्स २२० एमएम रहेको छ ।

ग्ल्यामर एक्सटेक
नेपाली बजारमा यसअघि नै उपलब्ध ग्ल्यामरको एक्सटेक भर्सनमा एफआई प्रबिधीसहितको १२५ सिसी बिएस६ इन्जिन जडान गरिएको छ । यो मोटरसाइकलले पुरानो मोडलको तुलनामा ७ प्रतिशतसम्म इन्धन बचत गर्ने दाबी गरिएको छ । यो मोटरसाइकमा जडित इन्जिनको अधिकतम पावर १०.७ बिएचपी र टर्क १०.६ एनएम रहेको छ । आई थ्री एस भनिने आइडल, स्टार्ट–स्टप प्रबिधी समेत उपलब्ध यसमा अटो सेल टेक्नोलोजी समेत दिइएको छ ।

यो मोटरसाइकलमा इन्टिग्रेटेड यूएसबी चार्र्जिङ, कल र एसएमस अलर्ट सहितको ब्लुटुथ कनेक्टिभिटी, टर्न वाई टर्न नेभिगेसन, साइड स्ट्यान्ड भिजुअल इन्डिकेटर, साइड स्ट्यान्ड इन्जिन कट–अफ, ५ स्टेप एड्जस्टेवल हाइड्रोलिक शक अब्जर्वर सस्पेन्सन, अगाडी चक्कामा २४० एमएममको डिस्क ब्रेक, फराकिलो टायर, १८० एमएमको ग्राउन्ड क्लिरियन्स जस्ता फिचर्स उपलब्ध गराइएको छ ।

मेस्ट्रो एज १२५
यसअघि ११० सिसी क्षमतामा उपलब्ध यो स्कुटरलाई १२५ सिसी क्षमताको इन्जिन सहित अन्य थुप्रै फिचर्समा अपग्रेड गरी बजारमा ल्याइएको छ । यो नयाँ स्कुटरमा बिएस६ संस्करणको एक्ससेन्स टेक्नोलोजी सहित १२४.६ सिसी क्षमताको इन्जिन जडान गरिएको छ । जसको अधिकतम पावर ९ बिएपची र टर्क १०.४ एनएम रहेको छ ।

यो स्कुटरमा प्रोजेक्टर हेडल्याम्पलाई सेग्मेन्टमै पहिलो फिचर्सका रुपमा उपलब्ध गराइएको छ । ब्लुटुथ कनेक्टिभिटी सहितको पूर्ण डिजिटल स्पिडोमिटर, टर्न वाई टर्न नेभिगेसन, मिक कल अलर्ट, रियल–टाइम माइलेज इन्डिकेसन, इको इन्डिकेटर र लो फ्याुल इन्डिकेटर जस्ता फिचर्स सामेल गराइएको छ ।