नयाँ इन्जिनमा आउँदै हिरो हंक, यस्तो हुनेछ पावर तथा पर्फमेन्स

हिरोले ५ वर्षअघि नै उत्पादन वन्द गरेको हंक मोडललाई पुन बजारमा ल्याउने भएको छ । यो नयाँ मोटरसाइकलमा कम्पनीले पहिलेभन्दा ठूलो सिसीको इन्जिन दिने जनाएको छ । यसको हाल भारतमा परिक्षण भैरहेको छ । भारतमा बिएस४ मापदण्ड लागु भएपछि सन् २०१७ को अप्रिलदेखी यसको उत्पादन हुन सकिरहेको थिएन ।

नयाँ हंकमा हिरोले एक्सिट्रम १६० आरको इन्जिन यसलाई तयार पारेका हो । यसमा जडान गरिएको १६३ सिसी सिंगल सिलिन्डर इन्जिनले १५ विएचपी पावर र १४ एनएम टर्क जेनेरेट गर्नेछ । जुन पुरानो १५० सिसीको हंक भन्दा केही वढी हो ।

नयाँ इन्जिनको साथै यसको लुक्स र डिजाइनमा समेत व्यापक परिवर्तन गरिएको परिक्षणका क्रममा सार्वजनिक भएको तस्विरमा देखिएको छ । एलईडी लाइट सहित भी आकारको हेडल्याम्प, ब्ल्याक आउट इन्जिन, क्र्यांककेश, एलोई ह्विल्स र सस्पेन्सन कम्पोनेन्टले यसको लुक्सलाई थप स्पोर्टी देखाउन मद्धत गरेको छ ।