हिरो डेस्टिनीको नयाँ संस्करण फेस्टिभ सिजन अघि लन्च हुने, पहिलो टिजर सार्वजनिक

हिरो मोटोकर्पले आफ्नो सबैभन्दा बढी बिक्री हुने स्कुटर हिरो डेस्टिनी १२५ को अपडेट संस्करण चाँडै लन्च गर्ने भएको छ । कम्पनीले हालै यसको टिजर सार्वजनिक गरेको छ, जसमा यसको नयाँ डिजाइन सार्वजनिक भएको छ । हिरो डेस्टिनीको डिजाइन भेस्पा र ल्याम्ब्रेटाको डिजाइन जस्तो देखिन्छ ।

नयाँ हिरो डेस्टिनी स्कुटरको अगाडिको एप्रोनमा नयाँ लाइटिङ सेटअप र कर्भी लेयरसहितको डिजाइनमा ठुलो परिवर्तन गरेको छ । कम्पनीले यसको फ्रन्ट फेन्डर, हेडलाइट, काउल र रियर भ्यू मिररमा परिवर्तन गरिएको छ । यसमा नयाँ ड्युअल टोन पर्ल ब्ल्याक कलर विकल्पको साथमा आउने अनुमान गरिएको छ ।

कम्पनीले जारी गरेको टिजर अनुसार नयाँ हिरो डेस्टिनी स्कुटरको साइडमा स्पोर्टी लुकको नयाँ ड्युअल टोन स्टेप देखिएको छ । यसको साइड प्यानल रेट्रो स्कुटर जस्तो स्मुद सर्फेसिङ देखिन्छ । साथै यसमा डेस्टिनीको थ्रिडी लोगोले स्कुटरलाई निकै आकर्षक बनाएको छ ।

नयाँ हिरो डेस्टिनी स्कुटरमा नयाँ एग्जस्ट शिल्ड दिइएको छ । पिलियन ब्याकरेस्टको डिजाइन परिवर्तन गरिएको छ । यसमा नयाँ अलोय ह्विल दिइएको छ । यसको टेल ल्याम्प र इन्डिकेटर पातलो युनिटले प्रतिस्थापन गरिएको छ । बाहिरी इन्धन फिलर क्याप पनि गोलाकारबाट वर्गाकारमा परिवर्तन गरिएको छ ।

सो स्कुटरको इन्जिनमा परिवर्तनको सम्भावना कम रहेको छ । नयाँ हिरो डेस्टिनी १२५ स्कुटरमा १२४.६ सीसी, एयर कुल्ड, एसआई इन्जिन जडान गरिनेछ, जसले ९ बीएचपी पावर र १०.४ एनएमको टर्क जेनेरेट गर्छ । नयाँ डेस्टिनीका केही भेरिएन्टमा फ्रन्ट डिस्क ब्रेक हुनेछ । यसमा नयाँ सस्पेन्सन सेटअप हुनेछ । स्कुटरको अगाडिको टेलिस्कोपिक फोर्क र पछाडिको स्प्रिङ लोडेड हाइड्रोलिक ड्याम्परसहितको युनिट स्विङ पनि हुनेछ ।