भारतमा टाटा ईभी किन्ने ग्राहकलाई भारी छुट

भारतमा टाटा मोटर्सले आफ्नो ईभी रेन्जमा १ लाख ७१ हजार भारुसम्म छुट दिएको छ । कम्पनीले २०२४ मोडेलको स्टकमा भारी छुट योजना ल्याएको हो ।

सबैभन्दा धेरै छुट टाटा कर्भ ईभीमा प्रदान गरिएको छ । भेरिएन्ट अनुसार कर्भ ईभीमा १ लाख ७१ हजार भारु सम्मको उच्चतम छुट दिइएको छ ।

नेपाली बजारमा समेत हालै भित्रिएको कर्भ ईभी ४५ र ५५ किलोवाट ब्याट्री प्याकमा उपलब्ध छ भने यो क्रियटिभ, अकम्पलिस्ड र इम्पार्ड गरी कुल तीन भेरिएन्टमा उपलब्ध छ ।

यसैगरी नेक्सन ईभीमा १ लाख ४१ हजार भारुसम्म छुट प्रदान गरिएको छ । ३० र ४५ किलोवाट आवर ब्याट्री प्याकमा उपलब्ध नेक्सन ईभी १० भेरिएन्टमा बिक्री हुँदै आएको छ ।

टाटा मोटर्सको सबैभन्दा सानो ईभी टियागोमा १ लाख ३० हजार भारुसम्म छुट प्रदान गरिएको छ । यो इलेक्ट्रिक ह्याचब्याक १९.२ किलोवाट आवर र २४ किलोवाट आवर ब्याट्री प्याकमा उपलब्ध छ ।