रोयल इन्फिल्डको नयाँ इलेक्ट्रिक स्क्र्याम्बलर फ्लाइङ फ्ली एस६ सार्वजनिक, २०२७ मा लन्च हुने
रोयल इन्फिल्डको नयाँ आफ्नो इलेक्ट्रिक ब्रान्ड फ्लाइङ फ्लीले नयाँ...
हार्ले डेभिडसनले आधिकारिक रूपमा आफ्नो नयाँ बाइक एक्स४४० सार्वजनिक गरेको छ । यो हिरो मोटोकर्पसँगको सहकार्यमा बनाइएको हार्ले–डेभिडसनको पहिलो बाइक हो । हिरोले भारतमा हार्ले डेभिडसनको बिक्री र बिक्रीपछिको व्यवस्थापन गर्नेछ र दुवै कम्पनीले संयुक्त रुपमा प्रिमियम बाइक विकास गर्ने सम्झौता भएको थियो ।
हार्ले डेभिडसन एक्स४४० को फ्रन्टमा गोलाकार हेडल्याम्प, स्क्वारिस फ्युल ट्यांकी, अलोय ह्विल र आयताकार एलईडी टेलल्याम्प जडान गरिएको छ । इर्गोनोमिक्सको आधारमा बाइकको राइडिङ एकदम तटस्थ हुने अपेक्षा गरिएको छ । सो बाइक रेट्रो थिम नभई आधुनिक रोडस्टर हुनेछ । बाइकको फ्रन्ट टायर १८ इन्च र रियर टायर १७ इन्चको छ ।
सो बाइकमा आयलकुल्ड, ४४० सीसी सिंगल–सिलिन्डर इन्जिन जडान गरिएको छ । कम्पनीले यो इन्जिनको पावर र टर्कको बारेमा भने खुलाएको छैन । रिपोर्टका अनुसार सो इन्जिनले २५ देखि ३० बीएचपीको पावर र ३० एनएमको टर्क जेनेरेट गर्ने अपेक्षा गरिएको छ ।
बाइकको अघिल्लो टिजर अनुसार यसको इन्जिनमा ८००० आरपीएमको रेडलाइन हुने र यो लङ–स्ट्रोक बाइक हुने अनुमान छ । यसको इन्जिन लो र मिड रेन्ज ग्रन्टको लागि ट्युन हुनेछ । बाइकमा अन्तिम ड्राइभको लागि चेन ड्राइभ प्रयोग गरिरहेको छ ।
ब्रेकिङका लागि बाइकको अगाडि र पछाडि डिस्क ब्रेक दिइएको छ । यसमा ड्युअल च्यानल एबीएस पनि हुनेछ । सस्पेन्सनको लागि अगाडिको भागमा अप–साइड डाउन फोर्क र पछाडिको ट्विन सक एब्जर्बर दिइएको छ । यसमा गोलाकार डिजिटल इन्स्ट्रयुमेन्ट क्लस्टर र यसलाई नियन्त्रण गर्न नयाँ स्विचगियर प्रयोग गरिएको छ ।
भारतमा सो बाइक आगामी जुलाई ३ मा लन्च हुने बताइएको छ । नेपालमा भने हाल औपचारिक रुपमा हार्लेका बाइक बिक्रीका लागि उपलब्ध छैनन् । केही वर्ष पहिले सम्म आईएमई मोटर्सले यसको बिक्री गर्ने गरेको थियो । तर पछि अर्डर अनुसार मात्र उपलब्ध गराउने बताए पनि औपचारिक बिक्री भने गर्ने गरेको छैन ।
दैनिक जीवनमा आवतजावत गर्न बाइकको प्रयोग आवश्यक भइसकेको छ । बाइकमा यात्रा...
हरेक सवारी साधन धनीले कुन समयमा सवारी साधनको कर तिर्ने भन्ने कुरा थाहा...
काठमाडौं – सरकारले हालै प्रस्तुत गरेको बजेटमार्फत इलेक्ट्रिक गाडीमा कर...