नेपाल आउँदै जीडब्लूएमको नयाँ विद्युतीय एसयूभी, यस्तो हुनेछ रेन्ज र फिचर

काठमाडौं–विश्व अटोमोबाइल उद्योगमा नवीन प्रविधि, गुणस्तरीय उत्पादन तथा दिगो गतिशीलताको प्रतीकका रूपमा स्थापित जीडब्लूएम ग्रेटवाल मोटर्स) अब नेपाली विद्युतीय सवारी बजारमा नयाँ ऊर्जा, नयाँ सोच र अत्याधुनिक प्रविधिसहित थप सशक्त रूपमा प्रस्तुत हुने तयारीमा रहेको छ ।

विश्वका १७० भन्दा बढी देश तथा क्षेत्रहरूमा आफ्नो उपस्थिति विस्तार गर्दै लाखौं ग्राहकको विश्वास जित्न सफल जीडब्लूएमले नेपालका लागि नयाँ पुस्ताको अत्याधुनिक विद्युतीय एसयूभी सार्वजनिक गर्ने संकेत दिएको हो ।

कम्पनीले हालसम्म उक्त मोडलको औपचारिक घोषणा नगरे पनि यससँग सम्बन्धित प्रारम्भिक विवरणहरूले अटोमोबाइल क्षेत्र तथा विद्युतीय सवारी पारखीहरूबीच उत्सुकता बढाएको छ ।

प्राप्त जानकारीअनुसार, आगामी विद्युतीय एसयूभीमा ५२० किलोमिटर हाराहारी रेन्ज, स्मार्ट डिजिटल टेक्नोलोजी, अत्याधुनिक सुरक्षा प्रणाली तथा सहज र आधुनिक ड्राइभिङ अनुभव प्रदान गर्ने विभिन्न सुविधाहरू समावेश हुने अपेक्षा गरिएको छ । यसका साथै आकर्षक डिजाइन, प्रिमियम बाह्य संरचना, विशिष्ट लाइटिङ सिग्नेचर तथा आधुनिक सौन्दर्यशास्त्रले यसलाई सडकमा अलग पहिचान दिने विश्वास गरिएको छ ।

विशेष रूपमा यसको बहु–तह सुरक्षात्मक कोट्रि प्रबिधीयुक्त बाह्य सतहले सानातिना स्क्र्याचहरूलाई सूर्यको तापबाट स्वाभाविक रूपमा पुनःस्थापित गर्न सक्ने क्षमता प्रदान गर्ने चर्चा पनि बजारमा भइरहेको छ ।
जसले, गाडीको सौन्दर्य र चमकलाई दीर्घकालसम्म कायम राख्न मद्दत गर्ने अपेक्षा गरिएको छ ।

जीडब्लूएमले विश्व बजारमा इलेक्ट्रिक मोविलिटी, स्मार्ट कनेक्टिभिटी, सुरक्षित यात्रा तथा युजर सेन्ट्रिक इनोभेसनमार्फत आफ्नो छुट्टै पहिचान स्थापित गर्दै आएको छ । यही विश्वव्यापी अनुभव र अत्याधुनिक प्रविधिको संयोजन अब नेपाली ग्राहकहरूले पनि प्रत्यक्ष अनुभव गर्न पाउने अपेक्षा गरिएको छ ।

नेपालमा विद्युतीय सवारीसाधनप्रतिको बढ्दो आकर्षण, पूर्वाधारको विस्तार तथा वातावरणमैत्री यातायातप्रतिको सकारात्मक सोचका बीच जीडब्लूएमको आगामी विद्युतीय एसयूभीलाई बजारको अर्को महत्वपूर्ण उपलब्धिका रूपमा हेरिएको छ ।

प्रिमियम डिजाइन, एड्भान्स्ड टेक्नोलोजी, उत्कृष्ट पर्फमेन्स तथा आधुनिक जीवनशैलीसँग मेल खाने विशेषतासहित आउने यस नयाँ विद्युतीय एसयूभीले नेपाली अटोमोबाइल बजारमा नयाँ मापदण्ड स्थापित गर्ने अपेक्षा गरिएको छ ।

नेपाल आउँदै गरेको सो नयाँ एसयूभीको प्रमखु विशेषताहरुमा ३६० डिग्री सराउन्ड भ्यू क्यामेरा, ब्लाइन्ड स्पट मनिटरिङ, ७ वटा एयरब्याग, १८० डिग्री पारदर्शी चेसिस भ्यू टेक्नोलोजी, उद्योगकै अग्रणी एईबी र एमईबी जस्ता सुरक्षा प्रबिधी, तथा २० भन्दा बढी एडास फिचर उपलब्ध हुनेछन् ।

साथै, कारमा स्मार्ट ककपिट, कफी आएस ३.० एआई सिस्टम, वनटच कन्ट्रोल मार्फत सहज तथा झन्झटरहित सञ्चालन, भेन्टिलेसन सहितको ६ तरिकाबाट एड्जस्ट गर्न मिल्ने ड्राइभर सिट, फाइभ स्ट्यान्डर्ड ब्याट्री सेफ्टि सिस्टम र ४ भिन्न प्रकारका ड्राइभिङ मोड उपलब्ध हुनेछ ।