गल्फको २.५ देखी १४ एम्पियर क्षमतासम्मका ब्याट्री नेपाली बजारमा

भारतमा सन् २०१३ देखी बिक्री शुरु भएको गल्फ ब्याट्री नेपाली बजारमा समेत उपलब्ध हुन थालेको छ । नेपालका लागि आधिकारिक बितरक नेपाल ल्युब आयल लिमिटेडले बिगत डेढ बर्षदेखी यसको कारोबार गर्दै आएको हो । यो कम्पनीले नेपालमा गल्फ लुब्रिकेन्ट्सको समेत उत्पादन तथा आयत गरी देशभर कारोबार गर्दै आइरहेको छ । नेपालमा यसको बिक्री शुरु भएपनि औपचारिक लन्च भने हुन बाँकी नै रहेको कम्पनीका डिजिएम दिवाकर मिश्रले बताए ।

उनका अनुसार हाल टु ह्विलर सेग्मेन्टमा २.५ देखी १४ एम्पियर आवर क्षमतासम्मका भिआरएलए प्रबिधीमा आधारित ब्याट्रि उपलब्ध छन् । जसका कारण नेपालमा उपलब्ध प्राय सबैजसो टु ह्विलरमा यो ब्याट्रीलाई प्रयोग गर्न सकिन्छ ।

देशका बिभिन्न स्थानमा रहेको डिलर नेटवर्कमार्फत यी ब्याट्रीको कारोबार भैरहेको उनले बताए । भारतमा ३० लाखभन्दा बढी युनिट प्रयोग भैसकेको यो ब्याट्रि गुणस्तर र मूल्यका कारण चर्चामा रहको बताउँदै उनले भने, ‘नेपाली बजारमा समेत सहुलियत मूल्य र गुणस्तरका कारण ग्राहकको रोजाइमा पर्न सफल भएको छ ।’ यो ब्याट्रीमा कम्पनीले ४८ महिनाको वारेन्टि सेवा उपलब्ध गराउँदै आएको छ ।

बिक्री पछिको सेवाका लागि हाल बिक्रेतामार्फत नै सेवा दिने प्रबन्ध मिलाइएको उनले जानकारी गराए । निकट भबिष्यमै देशका बिभिन्न स्थानहरुमा आफ्नै सर्भिस नेटवर्क बिस्तार गर्ने आफूहरुले योजना बनाएको उनको भनाई छ ।

उनले भने, ‘ब्याट्री आफैमा एक सर्भिस प्रोडक्ट भएका कारण ग्राहकलाई छिटो छरितो र प्रभावकारी तवरबाट सेवा दिने बिषयमा हामी निकै नै गम्भिर भएर लागिपरेका छौ । जसका लागि देशका बिभिन्न स्थानहरुमा आफ्नै सुबिधासम्पन्न सर्भिस सेन्टरको निर्माण गर्ने तयारी थालेका छौ ।’ केही बर्षभित्र गाडीको ब्याट्री समेत उपलब्ध हुने र २ बर्ष भित्र टु ह्विलर सेग्मेन्टमा गल्फ नेपालकै उत्कृष्ट तीन ब्रान्डमा पर्ने गरी बजार प्रबद्र्धनका कामहरु भैरहेको उनको भनाई छ ।