गोगोरोले नक्सालमा खोल्यो पहिलो एक्सपिरियन्स सेन्टर, ग-यो स्वापिङ प्लानको घोषणा

काठमाडौं–ब्याट्री–स्वापिङ टेक्नोलोजी इकोसिस्टममा विश्वकै अगुवा गोगोरोले नक्सालमा आफ्नो पहिलो एक्सपिरियन्स सेन्टर संचालनमा ल्याएको छ । सस्टेनेबल मोबिलिटीका लागि यो एक्सपिरियन्स सेन्टर गोगोरो र नेबुलाको दीर्घकालीन भिजनको सुरुवात भएको आधिकारिक वितरक नेबुला इनर्जीले जनाएको छ ।

यो एक्सपिरियन्स सेन्टरले स्मार्ट स्कुटर र स्वाप स्टेशनमार्फत ग्राहकलाई गोगोरोको प्रविधि अनुभव गर्ने पहिलो लाइभ टच पोइन्टको रूपमा समेत काम गर्ने कम्पनीका महाप्रबन्धक चिरन्जिवी शाहले बताए । उनका अनुसार ग्राहकले अब आफ्नो मनपर्ने गोगोरो मोडेलहरू टेस्ट राइड गर्नसक्ने र विभिन्न ब्याट्री स्वापिङ प्लानका बारेमा जानकारी लिएर बुकिङ समेत गर्न सक्नेछन् ।

गोगोरोले नेपालमा जेगो, क्रसओभर जिएक्स २५० र गोगोरो प्लस गरी तीनवटा मोडलका इलेक्ट्रिक स्कुटर बिक्री गर्दै आएको छ । यी स्कुटरको मूल्य क्रमशः २ लाख ३० हजार, २ लाख ७५ हजार र ६ लाख रुपैयाँ पर्छ ।

एक्सपिरियन्स सेन्टरको साथै गोगोरोले नेपालमै पहिलो पटक ब्याट्री स्वापिङ प्लान पनि घोषणा गरेको छ । जसअनुसार ब्याट्री स्वापिङ प्लान ७ सय ९९ बाट सुरु हुने र यो ३० दिनका लागि मान्य हुने जनाइएको छ ।