गाडी किन्नका लागि ८.७५ प्रतिशत ब्याजदरमा गरिमा सजिलो अटो लोन

काठमाडौं – गरिमा विकास बैंक लिमिटेडले न्यूनतम वार्षिक ८.७५ प्रतिशत ब्याजदरमा ‘गरिमा सजिलो अटो लोन’ सार्वजनिक गरेको छ। आफ्नो कर्जा प्रवाह रणनीतिलाई आक्रामक बनाउँदै बैंकले सो लोन सार्वजनिक गरेको हो ।

यो सुविधाअन्तर्गत खरिद मूल्यको ८८ प्रतिशत सम्म अधिकतम १० वर्षका लागि कर्जा प्रवाह गर्न सक्ने बैंकले जनाएको छ।

सवारी चढ्ने सपना पूरा गर्न ‘गरिमा सजिलो अटो लोन’ प्रभावकारी सावित हुने बैंकले बताएको छ।

गरिमा विकास बैंकले ३५ जिल्लामा १०६ शाखा कार्यालयहरु र ५१ एटीएमबाट बैंकिङ सुविधा दिँदै आइरहेको छ।