२३५ किलोमिटर रेन्ज दिने फोटोनको इलेक्ट्रिक भ्यान नेपाली बजारमा

फोटोनको इलेक्ट्रिक भ्यान नेपाल आएको छ । नेपालका लागि आधिकारिक वितरक एमडव्लु वृद्धि कमर्सियल भेहिकल प्रालिले यो नयाँ भ्यान नेपाल ल्याएको हो ।

भ्यानमा ५०.२३ किलोवाट आवरको व्याट्री प्याक र ८५ किलोवाटको इलेक्ट्रिक मोटर जडान गरिएको छ । जसलाई एकपटक फूल चार्ज गर्दा २३५ किलोमिटर रेन्द दिने दावी गरिएको छ । यसको टर्क २९० एनएम रहेको छ ।

कार्गोका लागी भ्यानभित्र ७ क्यूविक मिटर स्पेस दिइएको छ भने यसले १ हजार १५० किलो भार वहन गर्न सक्छ । यो भ्यान डिपार्टमेन्टल सटेर, ई–कमर्स, फार्मेसी, हार्डवेयर, एफएमसिजी, कार्गो कुरियर र दुरसंचार प्रदायक कम्पनीका लागी उपयोगी हुने कम्पनीले विश्वास लिएको छ ।

एमएडव्लूले निकट भविष्यमा इलेक्ट्रिक प्यासेन्जर भ्यान समेत नेपाल ल्याउने तयारी गरिरहेको जानकारी दिएको छ । साथै विस्तारै अन्य रेन्जका इलेक्ट्रिक सवारी साधन पनि नेपाल ल्याउने र इलेक्ट्रिक भेहिकलको बिक्री केन्द्रित हुँदै जाने कम्पनीको भनाई छ ।

फोटोन चीनको एक प्रतिष्ठित अटोमोवाइल कम्पनी हो । यसले इलेक्ट्रिक भेहिकल अन्तर्गत बस, कार, मोटरसाईकल र स्कुटरको समेत उत्पादन गर्दै आइरहेको छ । यसका उत्पादन विश्व बजारमा बिक्री वितरण भैरहेको छ ।