उड्ने कार र रोबोट सुरक्षित रुपमा काठमाडौं आइपुगे : नाडा

काठमाडौं– नाडा अटो शो २०२५ को प्रमुख आकर्षण मानिएको उड्ने कार र रोबोट काठमाडौं आइपुगेका छन् । नाडाले शनिबार प्रेस विज्ञप्ती जारी गर्दै तातोपानी क्षेत्रमा देखिएका प्राकृतिक विपद् र अनपेक्षित चुनौतीहरूलाई पार गर्दै दिपलको भर्टिकल टेकअफ एण्ड ल्यान्डिङ फ्लाइङ (ईभीटीओएल)कार र अत्याधुनिक युनिट्री रोबोट्स सुरक्षित रूपमा काठमाडौं आइपुगेको जनाएको हो ।

यी अति उच्च प्रविधिहरू पहिलोपटक नेपालमा सार्वजनिक प्रदर्शनको लागि तयार रहेको र यस ऐतिहासिक क्षणलाई नाडा अटो शो २०२५ मार्फत दर्शकहरूले प्रत्यक्ष अनुभव गर्न सकिनेछ ।

नाडाका अनुसार, १७औं संस्करणको अटो शो केवल एउटा प्रदर्शनी मात्र नभएर, यो हाम्रो देशको दृढता, नवीनता र भविष्यप्रतिको दृष्टिकोणको जीवन्त प्रमाण समेत हो । यसले नेपालमा प्रविधिको नयाँ सम्भावनालाई उद्घाटन गर्नेछ ।

भदौ ३ देखि ८ गतेसम्म काठमाडौंको भृकुटीमण्डप प्रदर्शनी हलमा हुने यस ठुलो प्रदर्शनीमा सहभागी भई यो ऐतिहासिक क्षणको साक्षी बन्न नाडाले आग्रह गरेको छ ।