पन्च फेसलिफ्टले पायो ५ स्टार रेटिङ

काठमाडौं–टाटा पन्च फेसलिफ्टले क्र्यास टेष्टमा ५ स्टार रेटिङ पाएको छ । भारत एनक्यापद्वारा सञ्चालन गरिएको उक्त टेष्टमा पन्च फेसलिफ्टले वयस्क यात्रु सुरक्षाको लागि ३०.५८/३२ अंक र बाल यात्रु सुरक्षाको लागि ४५/४९ अंक प्राप्त गरेको हो ।

फ्रन्टल अफसेट डिफर्मेबल ब्यारियर परीक्षणमा पंचले १४.७१/१६ अंक प्राप्त गरेको जनाइएको छ । यसले टाउको, घाँटी र माथिल्लो खुट्टालाई राम्रो सुरक्षा प्रदान गरेको थियो भने चालकको छाती र तल्लो खुट्टाको सुरक्षालाई पर्याप्त मानिएको थियो ।

साइड मुभेबल डिफर्मेबल ब्यारियर परीक्षणमा पंचले १५.८७/१६ अंक प्राप्त गरेको छट । कम्प्याक्ट एसयूभीले यात्रुको टाउको र तल्लो शरीरलाई राम्रो सुरक्षा प्रदान गरेको थियो । साथै, साइड पोल इम्प्याक्ट परीक्षणमा समेत राम्रो सुरक्षा प्रदान गरेको जनाइएको छ ।

बाल संयम प्रणालीको प्रयोग गरी गरिएको डाइनामिक परीक्षणमा पंचले २४/२४ को डाइनामिक स्कोर र १२/१२ को सिआरएस स्थापना स्कोर प्राप्त गरेको छ । साथै, सवारी साधनको मूल्याङ्कन स्कोर भने ९/१३ प्राप्त गरेको छ ।