क्र्यास टेष्टमा किया साइरोसलाई ५ स्टार रेटिङ

कियाले हालै लन्च गरेको नयाँ सब कम्प्याक्ट एसयुभी साइरोसले क्र्यास टेष्टमा ५ स्टार रेटिङ पाएको छ । भारत एनक्याले गरेको उक्त टेष्टमा साइरोसले एडल्ट र चाइल्ड दुबै अकुपेन्ट प्रोटेक्सनमा ५ स्टार रेटिङ पाएको हो । यससंगै साइरोस भारत एनक्याप क्र्यास टेष्टमा ५ स्टार रेटिङ पाउने पहिलो किया मोडल बनेको छ ।

कम्पनीले साइरोस एसयूभीमा १.० लिटर क्षमताको टर्बो पेट्रोल स्मार्टस्ट्रिम इन्जिन उपलब्ध गराएको छ, जसका कारण यसले १२० पीएसको पावर र १७२ न्यूटन मिटरको टर्क जेनेरेट गर्छ । यसमा ६ स्पिड म्यानुअल र ७ स्पीड डीसीटी ट्रान्समिसन ल्याइएको छ । यसका साथै यसमा १.५ लिटर क्षमताको डिजेल इन्जिन पनि दिइएको छ, जसले ११६ पीएस पावर र २५० न्यूटन मिटरको टर्क जेनेरेट गर्छ ।

साइरोसमा क्लाइमेट कन्ट्रोल सिस्टमका लागि ५ इन्चको स्क्रिनको साथमा ३० इन्चको डिस्प्ले दिइएको छ। यसमा नयाँ दुई–स्पोक स्टेयरिङ ह्विल छ, जसमा वायरलेस चार्जिङ प्याडसहितको सेन्टर कन्सोल पनि समावेश छ ।

साइरोसमा वायरलेस एन्ड्रोइड अटो र एप्पल कारप्ले, इन्फोटेनमेन्ट सिस्टमका लागि ओटीए अपडेट, इन–कार कनेक्टिभिटी टेक्नोलोजी, चार वटा भेन्टिलेट सिट, सेन्टर आर्मरेस्ट, ६०ः४० स्प्लिट फोल्डिङ फंक्शन, पावर ड्राइभर सिट, ८– स्पिकर हरमन कार्डन साउन्ड सिस्टम र ड्युअल प्यानोरामिक सनरुफ लगायत फिचर राखिएको छ ।

सुरक्षाका लागि यसमा इलेक्ट्रोनिक पार्किङ ब्रेक, ६ वटा एयरब्याग, फ्रन्ट र रियरमा पार्किङ सेन्सर, ३६० डिग्री क्यामेरा र लेभल २ एडीएएस सुइट सहित कुल १६ फिचर प्रदान गरिएको छ ।