नयाँ आयातकर्ता बने पश्चात सार्वजनिक भयो रोयल इन्फिल्डको पहिलो मोटरसाइकल

काठमाडौं – नेपालमा रोयल इन्फिल्डको नयाँ स्क्र्याम्बलर बाइक स्क्राम ४११ सार्वजनिक भएको छ । नेपालका लागि आधिकारिक वितरकको रुपमा नियुक्त भए पश्चात अल्फा अटोमोटिभले पहिलो पटक नयाँ बाइकको रुपमा स्क्राम ४११ सार्वजनिक गरेको हो ।

भारतमा गत वर्ष नै लन्च गरिए पनि नेपालमा भएको आयात प्रतिबन्धका कारण कुनै पनि बाइक भित्रिन सकेका थिएनन् । अल्फा अटोमोटिभले आज यो मोटरसाइकलको मूल्य समेत सार्वजनिक गर्दैछ । यो भन्दा पहिले आज एक ब्रेकफास्ट राइडको समेत आयोजना गरिएको छ ।

रोयल इन्फिल्ड स्क्राम ४११ रोयल इन्फिल्ड हिमालयनमा आधारित छ । तर हिमालयको तुलनामा यसमा निकै नै परिवर्तन गरिएको छ । सो बाइकमा स्लिक हेडल्याम्प कभर, सानो ट्याङ्की एक्स्टेन्सन, ब्यास प्लेट, सिंगल पिस सिट र सिंगल पिस पिलियन ग्र्याब ह्यान्डल छन् । स्क्रामको फ्रन्टमा १९ इन्च टायर र रियरमा १७ इन्च टायर छन् ।

यसको सिटको उचाइ पनि हिमालयन भन्दा ५ एमएम कम छ । रोयल इन्फिल्डको नयाँ स्क्रायाम्बलरको ग्राउन्ड क्लियरेन्स २०० एमएम छ । रोयल इन्फिल्ड स्क्राम ४११ ७ रङमा उपलब्ध छ, जसमा ग्रेफाइट थिम ३ रङमा उपलब्ध छ ।

स्क्राम ४११ मा रोयल इन्फिल्ड मेटियर ३५० मा जस्तै इन्स्ट्रयुमेन्ट कन्सोल एक सेमी–डिजिटल युनिट जस्तै छ । मुख्य इन्स्ट्रयुमेन्ट पोडमा फ्युल गेज, टाइम, ट्रिपमिटर, ओडोमिटर इत्यादिका लागि डिजिटल रिड आउटको साथ एनालग स्पिडोमिटर छ । ब्रेकिङ सिस्टमको लागि फ्रन्टमा ट्विन पिस्टन क्यालिपरसहित ३०० एमएम डिस्क र रियर सिंगल पिस्टन क्यालिपरसहित २४० एमएम डिस्क छ ।

सो बाइक मानकको रूपमा ड्युअल च्यानल एबीएसको साथ आउँछ । हाफ डुप्लेक्स स्प्लिट क्याडल फ्रेममा आधारित, यो ४१ एमएम टेलिस्कोपिक फ्रन्ट फोर्क (१९० एमएम ह्विल ट्राभल) र रियरको लिंकेज भएको मोनोसक (१८० एमएम ह्विल ट्राभल) मा सस्पेन्ड गरिएको छ ।

रोयल एनफिल्ड स्क्राम ४११ मा पावरको लागि हिमालयन जस्तै ४११ सीसी सिंगल सिलिन्डर इन्जिन दिइएको छ, जसले २४.३ बीएचपी पावर र ३२ एनएमको टर्क जेनेरेट गर्छ । कम्पनीले आफ्नो थ्रोटललाई पेपरियर परफर्मेन्सको लागि अलिकति ट्विक गरिएको तर ५ स्पिड गियरबक्स भने कायम राखिएको बताएको छ ।